Endigi qysqy Olımpıada Italııanyń 2 qalasynda ótedi

NUR-SULTAN. QazAqparat - Búgin Beıjińdegi XXIV Qysqy Olımpıada oıyndary aıaqtaldy. Endi 2026 jylǵy Aq Olımpıada Italııanyń Mılan jáne Kortına-d'Ampetstso qalalarynda ótedi, dep habarlaıdy QazAqparat tilshisi.

Ol týraly Halyqaralyq Olımpıada komıtetiniń 134-shi sessııasynda belgili boldy. Qysqy oıyndardyń astanasy HOK músheleriniń daýys berýi arqyly anyqtalǵan. Sol tusta 2026 jylǵy Qysqy Olımpıadany ótkizýge Italııanyń Mılan jáne Kortına-d'Ampetstso qalalarynan bólek, Stokgolm men Ore úmitker atanǵan edi.

Alǵashynda 2026 jylǵy Olımpıadany ótkizýge jeti qala úmitti bolǵan. Fınaldyq kezeńge deıin eki úmitker qaldy. Nátıjesinde Italııa jeńiske jetti.

2026 jylǵy Olımpıada oıyndarynyń ashylýy 6 aqpanǵa josparlanǵan.

Búgin Beıjiń Olımpıadasynyń jabylý rásiminen keıin Olımpıada estafetasyn Beıjińnen 25-kezekti oıyndar ótetin Italııanyń Mılan jáne Kortına-d’Ampetstso qalalary qabyldap alady.

Esterińizge sala keteıik, Beıjiń Olımpıadasy 4 aqpanda bastalyp, 20 aqpanda óz máresine jetti.