Endi JOO-lar jańa oqý baǵdarlamasyn boljamsyz jasaı almaıdy – Saıasat Nurbek

NUR-SULTAN. QazAqparat – Endi joǵary oqý oryndary men kásiptik bilim beretin uıymdarǵa jańa oqý baǵdarlamasyn boljamsyz jasaýǵa tyıym salynady. Olar eńbek naryǵyndaǵy maman tapshylyǵy máselesin eskerýi tıis. Bilim salasynyń sarapshylary bas qosqan forýmda Ǵylym jáne joǵary bilim mınıstri Saıasat Nurbek osylaı dep málim etti, dep habarlaıdy QazAqparat tilshisi.

«Men sońǵy 3-4 jylda «Jańa mamandyqtar atlasy» degen jobamen aınalystym. Ol qazir halyqtyń kirisin kóterý baǵdarlamasyna engizildi. Osyǵan saı, ár óńir óziniń aımaǵyna aldaǵy 5-10 jylda qajet bolatyn mamandyqtardyń atlasyn jasaıdy. Jospar daıyn bolǵannan keıin, tapshy mamandyqtarǵa kóbirek oqytý bastalady. ıAǵnı, elimizdegi joǵary oqý oryndary men kásiptik bilim berý uıymdary basymdyqty mamandyqtar atlasynda kórsetilgen salalarǵa beredi. Endi joǵary oqý oryndary jańa oqý baǵdarlamasyn boljamsyz jasaı almaıdy. Oǵan tyıym salynady. Qazir onyń mehanızimin qarastyryp jatyrmyz. Onyń nátıjesinde joǵary jáne kásiptik bilim beretin uıymdar eńbek naryǵyndaǵy tapshylyqty eskeredi», - dep atap ótti Saıasat Nurbek.

Aıta keteıik, buǵan deıin Ǵylym jáne joǵary bilim mınıstri Saıasat Nurbek stýdentterdiń bilimin baǵalaý tásili ózgeretinin málimdegen edi.