Endi Memlekettik annýıtettik kompanııa Úkimetke az dıvıdend tólemek

ASTANA. QazAqparat – Respýblıkalyq menshiktegi «Memlekettik annýıtettik kompanııa» AQ endi memleketke az dıvıdend tóleýi múmkin, dep habarlaıdy QazAqparat tilshisi.

«Aktsııalarynyń 100% respýblıkalyq menshiktegi «Memlekettik annýıtettik kompanııa» ómirdi saqtandyrý kompanııasy» AQ 2022 jyldyń qorytyndysy boıynsha jyldyq qarjylyq eseptilikte kórsetilgen taza kirisiniń 35 paıyzyn aktsııalardyń memlekettik paketine dıvıdendter tóleýge jumsaıdy. Eńbek jáne halyqty áleýmettik qorǵaý mınıstrligi zańnamaǵa saı, «Memlekettik annýıtettik kompanııa» ómirdi saqtandyrý kompanııasy» AQ-dan 2022 jyldyń qorytyndysy negizinde alynǵan taza tabysynyń bir bóligin halyqtyń áleýmettik osal sanattaryna saqtandyrý tólemderin júrgizý úshin baǵyttasyn», - delingen Ashyq NQA portalynda Úkimet qaýlysynyń jobasynda.

Aıta keteıik, joǵaryda atalǵan aktsıonerlik qoǵam buǵan deıin taza tabysynyń 70% memleketke dıvıdend tóleýge baǵyttap kelgen.

«Joba «Memlekettik annýıtettik kompanııa» ómirdi saqtandyrý kompanııasy» AQ tóleıtin dıvıdendter somasyn 2022 jylǵa arnalǵan jyldyq qarjylyq eseptilikte kórsetilgen taza kiristiń 70%-ynan 35%-yna deıin tómendetýdi kózdeıdi. Bul – saqtandyrý tólemderin, onyń ishinde halyqtyń áleýmettik osal sanattaryna júzege asyrý boıynsha saqtandyrý sharttarymen qabyldanǵan mindettemelerdi oryndaý úshin saqtandyrý rezervterin qalyptastyrý jáne qarjylyq retteýshi belgilegen prýdentsıaldyq normatıvterdi saqtaý qajettiligimen baılanysty», - dep túsindirme berilgen jobaǵa.

Úkimet qaýlysy 18 shildege deıin kópshilik talqylaýda bolady. Keıin Premer-Mınıstr qol qoıǵan kúnnen bastap kúshine enedi.