Endi Qazaqstanda benzın deldalsyz satylady - Bozymbaev

ASTANA. QazAqparat - Qazir Energetıka mınıstrligi benzın men dızeldi otyn tasymaldaý tetigin ózgertip jatyr. Bul týraly Energetıka mınıstri Qanat Bozymbaev məlim etti, dep habarlaıdy QazAqparat.

«Bizdiń elde benzın naryǵy erkin. Benzın men dızeldi otyn jeńildikpen satylmaıdy. Eger jeńildikpen satylatyn bolsa, tek egin egý jəne egin orý kezinde bolady. Elimizde basqa jeńildikpen satylatyn benzın joq jəne bolmaıdy da. Qazir biz benzın men dızeldi otyndy satý tetigin ózgertip jatyrmyz. Buryn ərbir oblystyń óz operatory bolatyn, ıaǵnı, benzındi satyp alyp, ústine baǵa qosyp, oblystardaǵy janar-jaǵarmaı beketterine satatyn. Buny ózinshe bir deldal deýge bolady. Al, endi munaı óńdeý zaýytynda janar-jaǵarmaıdy óńdeıtin kompanııa ónimin benzın satatyn jeliler men janar-jaǵarmaı beketterine tikeleı satady»,-dedi Bozymbaev.

Mınıstr atap ótkendeı, buryn deldaldardy əkimdikter anyqtap alady eken. «Men eki ret əkim boldym, bundaı deldaldar jylyna 2-3 ret aýysyp turatyn. Sondyqtan, deldaldardy joısaq, baǵa da qalypty bolar edi»,-dedi Qanat Bozymbaev.