Endi aqyly turaqtardan túsken tabystyń 25%-ǵa deıingi mólsheri ákimdikke tıesili bolmaq

ASTANA. QazAqparat – Elorda ákimdigi «Astana turaq keńistigi» JShS-men aradaǵy aqyly turaq týraly sharttyń talaptaryn qaıta qaraý jospary týraly málim etti, dep habarlaıdy QazAqparat tilshisi.

Belgili bolǵandaı, endi seriktestik tabysynyń 25%-ǵa deıingi somasyn qalalyq bıýdjetke baǵyttalmaq.

«Orta eseppen tabystyń 25%-na deıin ulǵaıtý josparlanýda. Bul rette aıyppuldardyń barlyq somasy qala bıýdjetine túsetinin atap ótemiz», - dep jaýap berdi ákimdikten tilshi saýalyna oraı.

Quzyrly organ dereginshe, memleket-jeke menshik áriptestiginiń sharty jasalǵan sátten bastap, ıaǵnı, 2018 jylǵy qarashadan 2022 jylǵy jeltoqsanǵa deıin taraptar arasyndaǵy tabysty bólý memlekettik áripteske – 5%, jeke serikteske – 95% mólsherinde belgilengen.

Buǵan deıin qala ákimi Jeńis Qasymbek BAQ ókilderine bergen suhbatynda «Astana turaq keńistigi» JShS-men aradaǵy áleýmettik-jeke menshik áriptestik kelisimshart qaıta qaralatynyn aıtqan bolatyn.

«Bir sózben aıtqanda aqyly turaqtardyń jumys formaty qaıta qaraldy. Naqtyraq aıtsaq, ornalasatyn oryndary, jumys isteıtin ýaqyttary, tarıfi qaıta qaralady. Búgingi kezdesýde kásipkerlerdiń aqyly turaqtardyń jumysyna baılanysty jańa usynystar aıtty. Onyń bári eskeriledi», - dedi Jeńis Qasymbek.