Endi jaıylymdy eshkim zańsyz ıemdenbeıdi

<p>ASTANA.KAZINFORM &ndash; Búgin senatorlar jaıylymdardyń biryńǵaı tapshylyǵy máselesin sheshý negizgi mindeti bolyp tabylatyn zańdy maquldady. Bul týraly QR Parlamenti Senatynyń baspasóz qyzmeti habarlady.</p>

Depýtattar osy máseleni sheshý týraly ózderi bastama kótergen bolatyn. Óıtkeni aýyl turǵyndary bul problemany áldeneshe jyldan beri aıtyp keledi. Sondyqtan ol zańdy keıinge qaldyrýdyń jóni joq edi.

Depýtattar bul joly ne usynyp otyr? Ondaǵy keıbir jańalyqtar minekeı:

- Endi shalǵaıdaǵy mal sharýashylyǵy jaıylymdaryn 5 jyl merzimge tegin ıemdenýge eshkim múmkindik bermeıdi. Senatorlar yqtımal sybaılas jemqorlyqtyń osy normasyn qoldanystaǵy zańnamadan alyp tastady, sondyqtan bul olqylyqty konkýrstan tys eshkim paıdalana almaıdy. Sóıtip, bul jerlerdi ózge aýyl turǵyndary qoǵamdyq qajettilikke paıdalaný múmkindiginen aıyrylady.

- Sonymen qatar, jaıylymǵa ıelik etetinder bul jerlerdi kem degende 50%-ǵa paıdalanýy kerek, al buryn 20% jetkilikti bolatyn. Eger paıdalanǵan jerlerde mal az bolsa, memleket ol jaıylymdy jer alqaby jetispeıtin basqa fermerge bere alady.

- Halyqtyń muqtajyna arnalǵan jaıylymdardy aýyl sharýashylyǵy maqsatyndaǵy alqaptardyń basqa túrine aýystyrýǵa tyıym salynady.

- Endi orman sharýashylyqtary ákimdikterge jyl saıyn adamdarǵa shóp shabýǵa jáne mal jaıýǵa ruqsat etilgen memlekettik qor ýchaskeleri týraly aqparat berip otyrýy tıis. Bul orman qory jerlerinde ornalasqan jaıylymdardy utymdy paıdalanýǵa múmkindik beredi.

- «Qoǵamdyq jaıylymdar» uǵymy engiziledi. Bul eldi mekenniń aınalasyndaǵy aýyl turǵyndarynyń mal jaıýyna arnalǵan jerlerdiń mártebesin naqtylaý úshin mańyzdy.

«Sońǵy jyldary aýyl turǵyndary arasynda jaıylymdyq jerler máselesi jıi kóterilip júr. Osy ózekti problemalardy nazarǵa alyp, senatorlarymyz birqatar zańnamalyq ózgeristerge bastamashylyq jasady. Atap aıtqanda, jaıylymdardyń halyqqa qoljetimdiligin qamtamasyz etýge jáne ony utymdy paıdalanýǵa arnalǵan jańa erejeler toptamasy maquldanyp otyr. Sondaı-aq jerdiń qunarlyǵyn saqtaýdy kózdeıtin tyń túzetýler engizildi. Qaralǵan zań jaıylymdardy basqarý, paıdalaný salasyndaǵy memlekettik saıasatty jetildirýge jáne elimizde aýyl sharýashylyǵyn damytýǵa óz úlesin qosady dep senemiz», – dedi Máýlen Áshimbaev.