Endi turǵyndar shetelge shyǵýǵa tyıym salǵanyn mobıldi qosymsha arqyly teksere alady

<p>Ádilet mınıstrligi Respýblıkalyq JSO palatasymen birlesip, atqarýshylyq is júrgizý organdarynyń avtomattandyrylǵan aqparattyq júıesi mobıldi qosymshasyn ázirledi, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a>.</p>

Bul el azamattaryna atqarýshylyq is júrgizý salasyndaǵy senimdi aqparatqa yńǵaıly ári jedel qol jetkizýdi qamtamasyz etedi. Joba memlekettik organdardyń júıelerimen biriktirilgen.

Paıdalanýshylar úshin kelesideı qyzmetter qoljetimdi:

1. Biryńǵaı tiziliminen boryshkerler týraly aqparatty izdeý jáne qaryzdaryn tóleý.

2. Elden shyǵýǵa ýaqytsha tyıym salý men shekteýlerin tekserý.

3. Onlaın rejıminde 30 mınýt ishinde qaryzdy tolyq ótegen kezde shekteý sharalary joıylady (elden shyǵýǵa, tirkeý áreketterine tyıym salý, notarıattyq is-áreketter, memlekettik satyp alýǵa qatysý jáne t.b)

4.Atqarý qujatyn izdestirý, onyń jaǵdaıy men ornalasqan jerin qadaǵalaý.

5. QR kodyn skanerleý arqyly mobıldi qurylǵyda sot oryndaýshysynyń sheshimin alý.

Qosymshany mobıldik App Store jáne GooglePlay platformasynan júktep alýǵa bolady.

«Atalǵan mobıldi qosymsha azamattardyń atqarýshy organdarmen ózara is-qımylyn aıtarlyqtaı jeńildetip, naqty jáne ózekti aqparatqa qoljetimdilikti qamtamasyz etedi.

Memleket basshysy Qasym-Jomart Toqaev Qazaqstan halqyna joldaýynda Qazaqstandy IT-elge aınaldyrý mindetin qoıǵan bolatyn. Osy oraıda, Digital Justice jobasynyń portfeliniń sheńberinde AІJO AAJ mobıldi qosymshasy ázirlendi jáne oǵan eshqandaı bıýdjet qarajaty jumsalǵan joq», — dep jazdy mınıstrlikten.