Endi otbasynda janjal shyǵaratyndar qaıda qamalady

<p>ASTANA. KAZINFORM &ndash; Іshki ister mınıstriniń orynbasary Igor Lepeha otbasynda janjal shyǵaratyndar qaıda qamalatynyn túsindirdi.</p>

Búgin Senattyń jalpy otyrysynda «Qazaqstan Respýblıkasynyń keıbir zańnamalyq aktilerine áıelderdiń quqyqtary men balalardyń qaýipsizdigin qamtamasyz etý máseleleri boıynsha ózgerister men tolyqtyrýlar engizý týraly» zańy maquldandy.

Bul turǵyda tilshiler Іshki ister mınıstriniń orynbasaryna «otbasynda janjal shyǵaratyndardy qamaýda ustaıtyn oryndar jetkilikti bola ma?» degen suraq qoıdy.

«Qamaýda ustaıtyn oryn tabylady. Degenmen mundaı adamdardyń sany kúrt artady dep aıta almaımyn. Qazirdiń ózinde biz olardy ustap jatyrmyz. Atap aıtqanda, qazir biz olardy ákimshilik zańnama aıasynda ustap otyrmyz, al endi jańadan qabyldanǵan zań normalary boıynsha qylmystyq zańnama aıasynda ustalady. Kúdiktiler tergeý ızolıatoryna qamalady», — dedi I. Lepeha Senattyń jalpy otyrysynan keıin tilshiler suraǵyna jaýap bere otyryp.

Parlament qabyldaǵan áıelderdiń quqyqtary men balalardyń qaýipsizdigin qamtamasyz etý zańy memlekettik otbasy saıasatynyń quqyqtyq, áleýmettik, ınstıtýtsıonaldyq jáne ózge de negizderin jetildirýge, sondaı-aq áıelderdiń quqyqtary men balalardyń qaýipsizdigin qorǵaýdy kúsheıtýge, olardyń qaýipsizdigin buzǵany úshin ákimshilik jáne qylmystyq jaýapkershilikti qatańdatýǵa, otbasyndaǵy zorlyq-zombylyqtyń aldyn alýǵa baǵyttalǵan.