Endi bilim grantyn utyp alǵan sarbazdarǵa stıpendııa tólenedi

<p>Byltyr qolǵa alynǵan Qorǵanys mınıstrliginiń sarbazdar úshin tegin oqý jobasy, endi memlekettik grant retinde taǵaıyndalady. Bul týraly Qorǵanys mınıstriniń keńesshisi Aıgúl Tólembaeva málim etti, dep habarlaıdy <a href="Kazinform" target="_blank" rel="noopener">Kazinform</a>.</p>

«Qorǵanys mınıstrligi sarbazdarǵa bilim alý boıynsha jeńildikter spektrin keńeıtý baǵytynda belsendi jumys jasap jatyr. Máselen, qazir Májilis depýtattary bastamasymen qolǵa alynǵan Qazaqstan Respýblıkasynyń keıbir zańnamalyq aktilerine áskerı-patrıottyq tárbıe máseleleri boıynsha tolyqtyrýlar engizý týraly» zań jobasy Úkimettiń qaraýynda. Oǵan sáıkes «Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasynyń zańynda alǵash ret «áskerge shaqyrý boıynsha áskerı qyzmettiń belgilengen merzimin ótkergen azamattardy áleýmettik qamsyzdandyrý» bóligi qarastyrylǵan», - dedi Aıgúl Tólembaeva

Ortalyq kommýnıkatsııalar qyzmeti alańynda ótken baspasóz máslıhatynda.

Mınıstr keńesshisiniń aqparatynsha, sarbazdarǵa beriletin bilim berý jeńildikteri endi zańnamalyq turǵydan retteledi. Atap aıtqanda 2024 jyldan bastap ol memlekettik grant retinde taǵaıyndalady.

«Búgingi kúni sarbazdarǵa JOO-da oqýǵa 100% jeńildik beriletin edi. Endi memlekettik grant taǵaıyndalady jáne sarbazdarǵa stıpendııa tólenip, jataqhanamen qamtylady. Memlekettik grant UBT esebinsiz beriledi», - deıdi ol.