Eńbekshiqazaq aýdandyq aýrýhanasynyń modeli barlyq emhanaǵa engiziledi
«Medıtsınalyq-sanıtarlyq alǵashqy kómek qyzmetiniń negizgi jáne basty qaǵıdaty - jalpy otbasyǵa qyzmet kórsetý. Búginde Qazaqstanda dúnıejúzilik ozyq tájirıbege sáıkes medıtsınalyq-sanıtarlyq alǵashqy kómekti jalpy praktıka dárigeri, meıirgerler, áleýmettik qyzmetkerler men psıhologtar, sondaı-aq basqa da mamandar kórsetedi. Bul turǵyndarǵa bir mezette medıtsınalyq, áleýmettik, bilim berý jáne taǵy da basqa qyzmet kórsetýge múmkindik beredi. Qazirgi ýaqytta barlyq aýyldyq óńirlerde medıtsınalyq-sanıtarlyq alǵashqy kómektiń «Adamǵa baǵdarlanǵan tásil» úzdik tájirıbesi tabysty engizilýde. Onyń basym baǵattary ınfektsııalyq emes aýrýlardy erte anyqtaý, durys tamaqtaný, salaýatty ómir saltyna úıretý, qan aınalym júıesi aýrýlary kezinde shuǵyl kómek kórsetý, sondaı-aq medıtsınalyq qyzmetter kórsetý sapasyn jaqsartý úshin patsıentter men halyqpen tyǵyz qarym-qatynas ornatý bolyp sanalady. Mundaı ozyq tásil Almaty, Jambyl, Túrkistan, Qaraǵandy jáne taǵy basqa oblystarda tıimdi engizilgen», - dedi mınıstr Ortalyq kommýnıkatsııalar qyzmetindegi baspasóz máslıhatynda.
Onyń dereginshe Almaty oblysy Eńbekshiqazaq aýdanynyń kóp salaly aýdanaralyq aýrýhanasynda Dúnıejúzilik densaýlyq saqtaý uıymynyń Eýropalyq óńirine múshe 53 memleket úshin medıtsınalyq-sanıtarlyq alǵashqy kómektiń úzdik tájirıbesiniń álemdegi alǵashqy demonstratsııalyq alańy ashyldy.
«Eńbekshiqazaq aýdany tabysty nátıjeler kórsetip otyr Mysaly, medıtsınalyq-sanıtarlyq alǵashqy kómek meıirgerleri men áleýmettik qyzmetkerlerine kómek surap júgingenderdiń sany 100 ese, otbasylyq dárigerlerge júgingenderdiń sany 3 ese ulǵaıdy. Al beıindi mamandarǵa júgingenderdiń sany 50 paıyzǵa azaıdy. Bul model barlyq emhanalarda engizilýde. Sonymen qatar emhanalarda jumys jasaıtyn meıirgerlerdiń fýnktsııalary keńeıtildi. Olar retsept jazýdan, qujattardy resimdeýden basqa, sozylmaly aýrýlary bar patsıentterdiń dınamıkalaryn qadaǵalaıdy, patsıentterdiń problemalaryn sheshýdi josparlaıdy», - dedi Ajar Ǵınııat.
Foto: ortcom.kz