Eńbekshi jastar forýmynyń qatysýshylary jastarǵa úndeý joldady
***
Qurmetti qurdastar, qymbatty dostar!
Qasiretti qańtar aıyndaǵy kúnderi qaskóılerdiń beıbit sherýlerdi men jastarymyzdy qalalarymyzdaǵy tynyshtyqtyń shyrqyn buzý úshin, al qordalanyp qalǵan qaıshylyqtar men ádilettilikti talap etken, ózgeristi qalaǵan nıetti – qaqtyǵystarǵa, tártipsizdikke jáne qıratýǵa ıtermelegenin Qazaqstannyń bolashaǵyna beı-jaı qaraı almaıtyn jandardyń barlyǵy anyq kórdi.
Qazirgideı aýmaly-tókpeli ári qıyn ýaqytta biz jastardy syndarly bolýǵa, óz múddelerin barrıkada arqyly emes beıbit jolmen qorǵap, máselelerdi kásipodaqtarǵa uıymdasa otyryp nemese jastar uıymdarymen birlese sheshýge shaqyramyz.
Barlyǵymyz birlesip udaıy dıalog arqyly jáne ártúrli jastaǵy barlyq azamattardyń múddelerine qurmetpen qaraı otyryp, zańdy buzbaı, úzdik oqý, adal eńbek sekildi naqty isterimizben aǵa urpaqtyń, halqymyzdyń bizge bildirgen joǵary senimi men úmitin aqtaı alamyz.
Biz el Prezıdenti Qasym-Jomart Toqaevtyń qýatty ári gúldengen memleket qurý jónindegi baǵytyn qoldaımyz!
Biz masyldyqqa, enjarlyqqa jáne eńbek etýden qashqandarǵa tóze almaımyz.
Búgingi tańda halqymyz, súıikti Otanymyz jáne Prezıdentimiz jas tolqyn bizderden uly ister jasaıdy dep úmit kútedi.
Qazir Jańa Qazaqstandy quratyn kez bizdiń ýaqytymyzǵa tuspa-tus keldi, biz sonda turýymyz kerek.
Ózgeristi ózińnen bastaǵanda jáne aınalamyzda bolyp jatqan oqıǵalarǵa óz jaýapkershiligińniń bar ekenin túsingende ǵana bizder qýatty, Táýelsiz Qazaqstandaǵy shynaıy ómirdi qalyptastyra alamyz!
Otanǵa qaltqysyz qyzmet etýge, kez kelgen syn-qater men qıynshylyqqa qaramastan alǵa jyljý bizdiń ómirlik maqsatymyzǵa aınalsyn.
Birlese otyryp ómirimizdi jaqsy jaǵyna qaraı ózgertelik!