Eńbekqor áýletter arasyndaǵy «Eńbek joly» konkýrsyna ótinim qabyldaý bastaldy
Eńbek jáne halyqty áleýmettik qorǵaý mınıstrligi «Paryz» konkýrsyna jáne Eńbek kúnin merekeleýge arnalǵan «Eńbek joly» konkýrsyna ótinim qabyldaý bastalǵanyn jarııalaıdy.
Elbasynyń Jalpyǵa ortaq Eńbek Qoǵamyn qurý boıynsha ıdeıasyn iske asyrý maqsatynda jyl saıyn qyrkúıektiń sońǵy jeksenbisinde Eńbek adamy mártebesin arttyrýǵa jáne jumysshy kásibin dáripteýge baǵyttalǵan «Eńbek kúni» merekesi atap ótiledi. Eńbek kúnin merekeleý aıasynda mınıstrlik jyl saıyn eńbek áýletteri jáne óndiris jumyskerleri arasynda «Eńbek joly» respýblıkalyq konkýrsyn ótkizedi. «Eńbek joly» konkýrsynyń maqsaty - qazaqstandyqtardy el ekonomıkasynyń damýyna aıtarlyqtaı úles qosqan otandastarymyzdyń jetistikteri úshin maqtan tutýǵa tárbıeleý.
Konkýrs «Úzdik eńbek áýleti», «Óndiristiń úzdik jas mamany», «Jumys isteıtin jastardyń úzdik tálimgeri» atty 3 nomınatsııany qamtıdy.
Úmitkerlerden ótinish qabyldaý 2019 jylǵy 1 maýsymnan bastalady.
Nazar aýdaratyn jaıt, «Eńbek joly» konkýrsynyń jeńimpazdaryn irikteý respýblıkalyq deńgeıde jergilikti deńgeıde sııaqty eki kezeńnen turatyn bolady:
1-kezeń: daýystardyń barynsha kóp sanyn jınaǵan lıderlerdiń úshtigin anyqtaıtyn onlaın daýys berý (barlyǵy - 9 úmitker);
2-kezeń: lıderlerdiń úshtiginen onlaın daýys berý nátıjeleri boıynsha anyqtalǵan «Eńbek joly» konkýrsynyń jeńimpazdaryn anyqtaý.
«Jalpyǵa Ortaq Eńbek Qoǵamyna» respýblıkalyq forýmynda konkýrstyń jeńimpazdaryn marapattaý Eńbek kúnine arnalǵan óńirlik eńbek forýmdarynda jáne «Jalpyǵa Ortaq Eńbek Qoǵamyna» respýblıkalyq forýmynda ótetin bolady.
Aǵymdaǵy jyly konkýrsty ótkizýdegi jańashyldyqtar qatarynda-ár nomınatsııada júldeli oryndardy ulǵaıtý. Eger ótken jyldary tek nomınatsııasy úshin marapattalsa, aǵymdaǵy jyldan bastap jeńimpazdarǵa 1,2,3 oryn beriledi. Sondaı-aq materıaldyq yntalandyrý retinde jeńimpazdarǵa aqshalaı sertıfıkattar tapsyrylady.:
- 1 oryn - 1 000 000 (mıllıon) teńge;
- 2 oryn - 500 000 (bes júz myń) teńge;
- 3 oryn - 200 000 (eki júz myń) teńge.
Sonymen qatar, Elbasynyń bastamasymen jyl saıyn ótkiziletin «Paryz» bıznestiń áleýmettik jaýapkershiligi konkýrsyna ótinim qabyldaý júrgizilýde. Іs-shara halyqtyń ómir súrý sapasy men deńgeıin odan ári jaqsartý úshin jeke kásipkerlik sýbektileriniń qoǵam aldyndaǵy korporatıvtik áleýmettik jaýapkershilikti qalyptastyrýǵa jáne arttyrýǵa baǵyttalǵan.
2008 ben 2018 jyldar aralyǵynda «Paryz» konkýrsyna elimizdiń barlyq óńirlerinen 5 myńnan astam kásiporyn qatysqan. «Paryz» konkýrsyn ótkizý nátıjesinde laýreattar jáne qatysýshylar tarapynan 163 myń jańa jumys orny qurylǵan. Áleýmettik jobalarǵa, qaıyrymdylyqqa jáne demeýshilikke 164 mlrd teńgeden astam qarajat bólingen. Áleýmettik ınfraqurylym obektilerin ustap turýǵa ketken shyǵyn kólemi 39,5 mlrd teńgeni quraıdy. Gaz tazalaý qondyrǵylary men sý qondyrǵylaryn salý, rekonstrýktsııalaý, modernızatsııalaý jáne ustap turýǵa 73 mlrd astam teńge bólingen. Abattandyrý men kógaldandyrý shyǵyny 37,2 mlrd teńgeni qurady.
Birqatar jobalar aýyldy aımaqtarda júzege asyrylýda - qurylystan jáne aýyl ınfraqurylymyn qoldaýdan bastap áleýmettik jáne mádenı-turmystyq maqsattaǵy obektterge deıin.
Konkýrs sheńberinde laýreat ataǵy úsh sanat boıynsha shaǵyn jáne orta jáne iri kásipkerlik sýbektilerine úsh nomınatsııada beriledi: «Úzdik áleýmettik jaýapty kásiporyn», «Úzdik ujymdyq shart», «Eńbekti qorǵaý salasyndaǵy úzdik kásiporyn» jáne «Ekologııaǵa qosqan úlesi úshin».
Mınıstrlik barlyq memlekettik organdardy, elimizdiń kásipkerlerin jáne memlekettik uıymdardy Eńbek kúnin merekeleýge arnalǵan is-sharany ótkizýge jáne «Paryz» jáne «Eńbek joly» konkýrstaryna belsendi qatysýǵa shaqyrady.