Eńbekke ýaqytsha jaramsyzdyǵy boıynsha áleýmettik járdemaqynyń mólsheri aıqyndaldy

ASTANA. QazAqparat - Qazaqstan Respýblıkasy Úkimetiniń qaýlysymen eńbekke ýaqytsha jaramsyzdyǵy boıynsha áleýmettik járdemaqynyń mólsheri aıqyndaldy.

QazAqparat qujattyń mátinin taratady.

Eńbekke ýaqytsha jaramsyzdyǵy boıynsha áleýmettik járdemaqynyń mólsherin aıqyndaý týraly

2015 jylǵy 23 qarashadaǵy Qazaqstan Respýblıkasynyń Eńbek kodeksi 15-babynyń 2) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Osy qaýlyǵa 1-qosymshaǵa sáıkes eńbekke ýaqytsha jaramsyzdyǵy boıynsha áleýmettik járdemaqynyń mólsherleri aıqyndalsyn. 2. Osy qaýlyǵa 2-qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn. 3. Osy qaýly 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis.

Qazaqstan Respýblıkasynyń Premer-Mınıstri K.MÁSІMOV

Qazaqstan Respýblıkasy Úkimetiniń 2015 jylǵy 28 jeltoqsandaǵy №1103 qaýlysyna 1-qosymsha

Eńbekke ýaqytsha jaramsyzdyǵy boıynsha áleýmettik járdemaqynyń mólsherleri 1. Uly Otan soǵysynyń jumys isteıtin qatysý­shylaryn, múgedekterin jáne olarǵa teńestirilgen adamdardy qospaǵanda, qyzmetkerdiń eńbekke ýaqytsha jaramsyzdyǵy boıynsha áleýmettik járdemaqynyń (budan ári - járdemaqy) mólsheri onyń bir kúndik ortasha jalaqysyn eńbekke ýaqytsha jaramsyzdyq kezeńine keletin jumys kúnderiniń sanyna kóbeıtý jolymen aıqyndalady. Qyzmetkerdiń bir kúndik ortasha jalaqysynyń mólsheri 2015 jylǵy 23 qarashadaǵy Qazaqstan Respýblıkasynyń Eńbek kodeksi 114-babynyń 3-tar­maǵyna sáıkes eseptelgen onyń ortasha jalaqy­synyń esebinen aıqyndalady. 2. Eger eńbekke ýaqytsha jaramsyzdyq aldyńǵy jyly bastalyp, aǵymdaǵy jyly aıaq­talatyn bolsa, onda járdemaqy mólsheri men onyń mólsherin aılyq shekteý aldyńǵy jáne aǵymdaǵy jylǵy aılyq eseptik kórsetkishti bólek qoldaný arqyly júrgiziledi jáne alynǵan somalar qosylady. 3. Eńbek jaraqatyna nemese kásibı naýqas­tanýyna baılanysty qyzmetkerlerge, Uly Otan soǵy­synyń jumys isteıtin qatysýshylaryna, múge­dekterine jáne olarǵa teńestirilgen adamdarǵa, sondaı-aq shetelde bolǵan kezeńinde sheteldik valıýtada járdemaqy alatyn dıplomatııalyq qyzmet personalyna tólenetin járdemaqylardyń mólsherlerin qospaǵanda, bir aıǵa tólenetin járdemaqynyń mólsheri tıisti jylǵy aılyq eseptik kórsetkishtiń on bes eselengen shamasynan aspaýǵa tıis. 4. Uly Otan soǵysynyń jumys isteıtin qatysý­shylaryna, múgedekterine jáne olarǵa te­ńes­tirilgen adamdarǵa beriletin járdemaqynyń mólsheri jalaqynyń júz paıyzyn quraıdy. 5. Qyzmetkerdiń eńbek jaraqatyna nemese ká­sibı naýqastanýyna baılanysty tólenetin járdemaqynyń mólsheri ortasha jalaqynyń júz paıyzyn quraıdy. 6. Dıplomatııalyq qyzmet personalyna shetelde bolǵan kezeńinde sheteldik valıýtada tólenetin járdemaqynyń mólsheri ortasha jalaqynyń júz paıyzyn quraıdy.

Qazaqstan Respýblıkasy Úkimetiniń 2015 jylǵy 28 jeltoqsandaǵy №1103 qaýlysyna 2-qosymsha

Qazaqstan Respýblıkasy Úkimetiniń kúshi joıylǵan keıbir sheshimderiniń tizbesi 1) «Eńbekke ýaqytsha jaramsyzdyǵy boıynsha áleýmettik járdemaqynyń mólsherlerin aıqyndaý týraly» Qazaqstan Respýblıkasy Úkimetiniń 2007 jylǵy 28 jeltoqsandaǵy №1339 qaýlysy (Qazaqstan Respýblıkasynyń PÚAJ-y, 2007 j., №50, 618-qujat). 2) «Qazaqstan Respýblıkasy Úkimetiniń 2007 jylǵy 28 jeltoqsandaǵy №1339 qaýlysyna ózgeris engizý týraly» Qazaqstan Respýblıkasy Úkime­tiniń 2008 jylǵy 29 tamyzdaǵy №793 qaýlysy (Qazaqstan Respýblıkasynyń PÚAJ-y, 2008 j., №35, 389-qujat). 3) «Qazaqstan Respýblıkasy Úkimetiniń 2007 jylǵy 28 jeltoqsandaǵy №1339 qaýlysyna ózgeris engizý týraly» Qazaqstan Respýblıkasy Úkimetiniń 2009 jylǵy 3 shildedegi №1028 qaýlysy (Qazaqstan Respýblıkasynyń PÚAJ-y, 2009 j., №32, 300-qujat). 4) «Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2012 jylǵy 1 maýsymdaǵy №731 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyq­tyrýlardyń 1-tarmaǵy (Qazaqstan Respýblıkasynyń PÚAJ-y, 2012 j., №55, №745-qujat). 5) «Áleýmettik járdemaqy taǵaıyndaý jáne tóleý, sondaı-aq onyń mólsherin aıqyndaý erejesin bekitý týraly» Qazaqstan Respýblıkasy Úkimetiniń 2007 jylǵy 28 jeltoqsandaǵy №1339 qaýlysyna ózgerister engizý týraly» Qazaqstan Respýblıkasy Úkimetiniń 2015 jylǵy 2 shildedegi №503 qaýlysy (Qazaqstan Respýblıkasynyń PÚAJ-y, 2015 j., №37-38, 263-qujat).