Eńbekaqy boıynsha merzimi ótken qaryz somasy 1,2 mlrd teńgeni qurap otyr - Úkimet saǵaty

ASTANA. QazAqparat - Eńbekaqy boıynsha yqtımal qaryzdy anyqtaý úshin arnaıy baǵdarlama ázirlendi. Bul týraly QR Eńbek jáne halyqty áleýmettik qorǵaý mınıstri Tamara Dúısenova málim etti, dep habarlaıdy QazAqparat.

«Túspeı jatqan jarnalar boıynsha kásiporyndardaǵy jumysshylar sanyn kórsete alatyn, sonymen qatar eńbekaqy boıynsha yqtımal qaryzdy baıqatatyn aqparattyq júıeni ázirlep, ákimdikterge deıin jetkizdik»,-dedi Dúısenova Parlament Májilisindegi Úkimet saǵatynda.

Mınıstrdiń aıtýynsha, qazirgi ýaqytta eńbekaqy boıynsha merzimi ótken qaryz somasy 1,2 mıllıard teńgeni qurap, onyń 75 paıyzy bankrot kásiporyndar men saýyqtyrý rásimimen qamtylǵan uıymdarǵa tıesili.

«Úshjaqty komıssııanyń otyrystarynda eńbekaqy boıynsha qaryzdary bar 294 kásiporyndar qaraldy. Aǵymdaǵy jyldyń 8 aıynda 17 jumysshynyń aldyndaǵy 2,2 mıllıard teńge eńbekaqy qaryzy óteldi»,-dedi vedomstvo basshysy.