Eńbek jónindegi ýákiletti organǵa NEET sanatyndaǵy jastardy jumysqa ornalastyrý quzireti beriledi
«Osy jyldyń 5 qańtarynda QR Parlamenti Májilisimen «QR-nyń keıbir zańnamalyq aktilerine memlekettik jastar saıasaty máseleleri boıynsha ózgerister men tolyqtyrýlar engizý týraly» QR zańynyń jobasy jumysqa qabyldandy. Osy zań jobasy aıasynda NEET sanatyndaǵy jastar uǵymyn zańnamalyq bekitý qarastyrylǵan. Sondaı-aq eńbek jónindegi ýákiletti organǵa NEET sanatyndaǵy jastardy jumysqa ornalastyrý boıynsha quziret berý kózdeledi», - dedi Asqar Ýmarov.
Onyń aıtýynsha, mınıstrlik «Ulttyq rýhanı jańǵyrý» ulttyq jobasyn, QR-nyń jastardy qoldaýdyń 2021-2025 jyldarǵa arnalǵan keshendi josparyn iske asyrýdy jalǵastyrady.
«Onyń aıasynda osy sanattaǵy jastardy áleýmettendirýge baǵyttalǵan is-sharalar júzege asyrylady. Memleket basshysy belgilegen tapsyrmalardy iske asyrý aıasynda birinshi, NEET sanatyndaǵy jastardy áleýmettendirýdi aqparattandyrýdy arttyrý maqsatynda memlekettik qoldaý is-sharalary týraly NEET sanatyndaǵy jastarmen jumys jónindegi jumys kartasyn ázirleý usynylady. Ekinshi, jastardy qoldaý jóninde qosymsha is-sharalardy qamtý maqsatynda 2021-2025 jyldarǵa arnalǵan jastardy qoldaý jónindegi keshendi josparǵa ózgeris engizý qajet. Úshinshi, QR Qarýly kúshterinde mindetti jáne merzimdi qyzmet atqarý kezinde jastarǵa patrıottyq tárbıe berý, jastardyń dene shynyqtyrý jáne zııatkerlik daıarlyǵy, sondaı-aq mamandyqtarǵa oqytý boıynsha jańa tásilderdi engizý kerek», - dedi mınıstr.