Eńbek jáne halyqty áleýmettik qorǵaý mınıstrliginde Jeńistiń 65 jyldyǵyna oraı atqarylatyn sharalar talqylanady

ASTANA. Sáýirdiń 24-i. QazAqparat /Qanat Mámetqazyuly/ - Dúısenbi, sáýirdiń 26-synda QR Eńbek jáne halyqty áleýmettik qorǵaý mınıstrliginde Uly Otan soǵysyndaǵy Jeńistiń 65-jyldyǵyna oraı atqarylatyn sharalar talqylanady. Bul úshin mınıstrlikte arnaıy baspasóz máslıhaty ótedi, dep habarlaıdy QazAqparat.

Jıynǵa Eńbek jáne halyqty áleýmettik qorǵaý mınıstrliginiń basshylary, QR Qorǵanys mınıstrliginiń, Densaýlyq saqtaý mınıstrliginiń, Qurylys isteri jáne turǵyn úı-kommýnaldyq sharýashylyq jónindegi agenttiginiń ókilderi atsalysady. Basqosýda UOS ardagerleri men qatysýshylaryna áleýmettik kómek kórsetý jumystarynyń barysy talqylanady, onyń ishinde ardagerlerdi baspanamen qamtamasyz etý, mereıtoılyq sharalarǵa tegin jol júrýdi uıymdastyrý sharalary jaıynda áńgime bolady.