Eńbek jáne halyqty áleýmettik qorǵaý birinshi vıtse-mınıstri SQO-da júr

PETROPAVL. QazAqparat - Eńbek jáne halyqty áleýmettik qorǵaý birinshi vıtse-mınıstri Erjan Jylqybaev Soltústik Qazaqstan oblysyna jumys sapary barysynda Aqjar, Taıynsha, Aqqaıyń, Jumabaev aýdandarynda jáne Petropavlda boldy, dep habarlaıdy QazAqparat tilshisi.

Ol jumys kúshi mol óńirlerden qonys aýdarǵandarǵa salynyp jatqan úılerdiń qurylysyn kórdi. Іlki joba 2019-2021 jyldarǵa arnalǵan óńirdi keshendi damytý josparyna engen.

SQO Іshki saıasat basqarmasynyń málimetinshe, Birinshi vıtse-mınıstr budan basqa «Bastaý» kýrsynan ótip, memlekettik baǵdarlama aıasynda óz isin damytýǵa jeńildetilgen nesıe alǵan jeke kásipkerlermen kezdesti.

Erjan Jylqybaev aýdandardaǵy Halyqty jumyspen qamtý ortalyqtarynda bolyp, kópbalaly analarmen, ataýly áleýmettik kómek alýshylarmen jáne jumys kúshi artylǵan óńirlerden kóship kelýshilermen kezdesti. Olarǵa memlekettik qoldaýdyń sapaly jáne der kezinde kórsetilý máselelerine mán berdi.

Petropavl qalasynda Birinshi vıtse-mınıstr Halyqty jumyspen qamtý ortalyǵyn aralap, Jumyspen qamtý - 2020 jol kartasy baǵdarlamasy aıasynda jumysshy jastarǵa arnalyp salynǵan jataqhanada boldy. «Eńbek» memlekettik baǵdarlamasy boıynsha qysqa merzimdi kýrstardan ótip, tájirıbe jınaqtap júrgen jáne túlekteri eńbek etetin «Sakırko» jeke kásipkerliginiń tigin fabrıkasyn, «Radýga» JShS-niń óndiristik nysandaryn aralady.

Eńbek jáne halyqty áleýmettik qorǵaý birinshi vıtse-mınıstri turǵyndarmen kezdesý barysynda halyqty áleýmettik qorǵaý jáne memlekettik baǵdarlamalardy tıimdi júzege asyrýda mınıstrliktiń atqaryp jatqan jumystarymen tanystyrdy.