Eńbek vıtse-mınıstri ataýly áleýmettik kómek taǵaıyndaýdyń jańa qaǵıdalaryn túsindirdi
Bul týraly vedomstvonyń baspasóz qyzmeti habarlaıdy.
Vıtse-mınıstr óńirdegi baǵdarlamasyn Temirtaý jáne Qaraǵandy jumyspen qamtý ortalyqtaryn aralaýdan bastady. Jumyspen qamtý ortalyqtarynyń qyzmetkerlerimen áńgimelesý barysynda Muqyshev azamattarmen AÁK taǵaıyndaýdy jańa formatta 2020 jyldyń 1 qańtarynan bastap aldyn-ala pysyqtaý kerektigin aıtty.
«Sizder ataýly áleýmettik kómek alýǵa júginetin adamdarǵa AÁK jańa tetigi jan-jaqty memlekettik qoldaý kórsetetinin naqty túsindirýlerińiz kerek. Bul kópbalaly otbasylarǵa beriletin járdemaqy, ár otbasy múshesiniń jan basyna shaqqandaǵy ortasha kirisi óńirlik kúnkóris deńgeıiniń 70%-ynan tómen otbasylarǵa ataýly áleýmettik kómek jáne áleýmettik jaǵdaıy tómen otbasylardaǵy balalarǵa kepildik berilgen áleýmettik toptama», - dedi vıtse-mınıstr.
Narıman Muqyshev AÁK toqsan saıyn taǵaıyndalatyndyǵyn atap ótti.
«Sizder qazir AÁK alýshylarmen túsindirý jumystaryn júrgizip, olarǵa aǵymdaǵy jyly taǵaıyndalǵan AÁK jarty jylǵa nemese bir jylǵa taǵaıyndalǵan bolsa da, 31 jeltoqsanǵa deıin áreket etetini týraly túsindirýińiz óte mańyzdy. Senat qabyldaǵan zańǵa sáıkes, 1 qańtardan bastap AÁK jańa erejeler boıynsha taǵaıyndalady. Tıisinshe, osy jyldyń barlyq tólemderin aıdyń aıaǵyna deıin iske asyrý qajet. ıAǵnı, AÁK-ti kelesi jyldyń qańtarynda emes, osy jyldyń jeltoqsan aıynda tóleý kerek», - dedi ol.
Vıtse-mınıstr, sonymen qatar, AÁK alýǵa ótinish bildirgen azamattar ony taǵaıyndaý úshin qujattardy 2020 jyly tapsyrýy kerek ekenin atap ótti.
«Taǵy da barshanyń 5 qańtarda kelýdiń qajeti joq ekenin, kezek pen ajıotaj qurý qajet emes ekenin túsindirý kerek. Barlyǵynda qujattar tapsyrýǵa ýaqyt bolady. Jeltoqsanda adamdarǵa qarashaǵa jáne jeltoqsanǵa AÁK tólenedi, ıaǵnı, eki eselengen soma. Adamdarǵa aqsha beriledi. Qańtar aıy ishinde, aqpan aıynda áleýmettik kómek alý úshin kez kelgen adam qujattaryn tapsyra alady», – dep atap ótti Muqyshev.
Qaraǵandy oblysyna eki kúndik jumys sapary aıasynda Narıman Muqyshev, sondaı-aq, Jezqazǵan, Abaı jáne Sátpaev qalalarynyń halyqty jumyspen ortalyǵyn aralap, halyqpen jáne oblystyq jumyspen qamtýdy úılestirý jáne áleýmettik baǵdarlamalar basqarmasynyń qyzmetkerlerimen kezdesýler ótkizedi.
Qazaqstan Respýblıkasy Eńbek jáne halyqty áleýmettik qorǵaý mınıstrliginiń jaýapty hatshysy Aıda Qurmanǵalıeva 25 jeltoqsanda elordanyń halyqty jumyspen qamtý ortalyqtaryna baryp, Nur-Sultan turǵyndarymen kezdeseip óńirlerdegi halyqty jumyspen qamtý ortalyǵynyń qyzmetkerlerimen túsindirme jumystaryn jalǵastyrady.
26 jáne 27 jeltoqsanda QR Eńbek jáne halyqty áleýmettik qorǵaý mınıstriniń birinshi orynbasary Erjan Jylqybaev jáne QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń tóraǵasy Erbol Nurǵalıev Shymkent qalasynda jáne Túrkistan oblysynda túsindirý jumystaryn júrgizedi.
27 jeltoqsanda vıtse-mınıstr Erlan Áýkenov Shyǵys Qazaqstan oblysynda túsindirý jumystaryn júrgizedi. 27 jáne 28 jeltoqsanda vıtse-mınıstr Aqmádı Sarbasov jumyspen qamtý ortalyqtarynyń qyzmetkerlerine, jumyspen qamtýdy úılestirý jáne áleýmettik baǵdarlamalardy úılestirý departamentiniń qyzmetkerlerine jáne Aqmola oblysynyń turǵyndaryna AÁK taǵaıyndaýdyń jańa tetikteri týraly aıtyp beredi.
Buryn habarlanǵandaı, QR Premer-Mınıstriniń orynbasary Berdibek Saparbaevtyń óńirlerge jumys sapary barysynda QR Eńbek jáne halyqty áleýmettik qorǵaý mınıstri Birjan Nurymbetov Almaty, Shyǵys Qazaqstan, Qaraǵandy, Qyzylorda, Atyraý, Batys Qazaqstan, Túrkistan, Aqtóbe, Pavlodar, Aqmola, Almaty, Soltústik Qazaqstan, Qostanaı jáne Mańǵystaý oblystarynyń, sonymen qatar Shymkent qalasynyń turǵyndarymen AÁK taǵaıyndaýdyń jańa tetikteri boıynsha túsindirme jumystaryn júrgizdi.
Esterińizge sala keteıik, osy jyldyń 12 jeltoqsanynda Qazaqstan Respýblıkasy Parlamentiniń Senaty 2020 jylǵy 1 qańtardan bastap ataýly áleýmettik kómek kórsetýdiń jańa tetikterin engizýdi kózdeıtin «Qazaqstan Respýblıkasynyń keıbir zańnamalyq aktilerine densaýlyq saqtaý salasyndaǵy mindetti áleýmettik saqtandyrý, áleýmettik qamsyzdandyrý jáne memlekettik-jeke seriktestik máseleleri boıynsha ózgerister men tolyqtyrýlar engizý týraly» zań qabyldady.
Osylaısha, Zańda 2020 jyldyń 1 qańtarynan bastap 4 jáne odan da kóp kámeletke tolmaǵan balalary bar nemese 23 jasqa deıingi kúndizgi oqý bóliminde oqıtyn stýdentteri bar otbasylarǵa jańa memlekettik járdemaqy engizýdi kózdeıdi. Bul járdemaqy otbasynyń tabysyna qaramastan saralanǵan mólsherde taǵaıyndalady: 4 balaǵa - 42 496 teńge; 5 balaǵa – 53 127 teńge; 6 balaǵa - 63 757 teńge; 7 jáne odan da kóp balaǵa – 74 388 teńge.
AÁK usynýdyń jańa tásilderi mynalardy kózdeıdi: ár toqsan saıyn ataýly áleýmettik kómek taǵaıyndaý; AÁK taǵaıyndaýdyń qazirgi shekti krıterıin saqtaý - otbasynyń jan basyna shaqqandaǵy ortasha tabys kúnkóris deńgeıiniń 70% -ynan kem bolýy kerek; otbasynyń barlyq músheleri úshin AÁK mólsherin jan basyna shaqqandaǵy kirister men kedeılik sheginiń arasyndaǵy aıyrmashylyq retinde anyqtaý; eńbekke qabiletti azamattarǵa qoıylatyn talaptardy kúsheıtý, eger olar jumysqa ornalasýdan bas tartqan jaǵdaıda, AÁK tóleý barlyq otbasy úshin toqtatylady; ýchaskelik komıssııalardyń osy protsesstegi róliniń kúsheıýimen otbasynyń materıaldyq jaǵdaıyna zertteý júrgizý merzimin 3 kúnnen 7 kúnge deıin ulǵaıtý.
Kepildik berilgen áleýmettik toptamany usyný aıasynda 1 jastan 6 jasqa deıingi tabysy az otbasylardyń balalary azyq-túlik jıyntyǵymen jáne gıgıenalyq zattarymen qamtamasyz etiledi, 6 jastan 18 jasqa deıin olar mektepterde ystyq tamaqpen, oqý quraldary men mektep kıimderimen qamtamasyz etiledi, sondaı-aq, mektepke deıingi jol júrý shyǵyndary óteledi. 18 jasqa deıingi balalarǵa medıtsınalyq kómek, onyń ishinde stomatologııalyq kómek aqysyz medıtsınalyq kómektiń jáne mindetti áleýmettik medıtsınalyq saqtandyrýdyń kepildendirilgen kólemi aıasynda kórsetiledi.