Eńbek stajy 616 jyldan asatyn temirjolshylar áýleti rekordtar kitabyna endi

<p><span style="font-family: sans-serif; font-size: 18px;">Qazaqstan rekordtary jaıly aqparattyq-entsıklopedııalyq anyqtamalyqqa (QAeA) jańa rekord tirkeldi, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.&nbsp;</span></p>

«Habar» telearnasynda Eńbek kúnine oraı tikeleı efırde ótken «Adal eńbek» telemarafonynda eńbek stajy bas-aıaǵy 616 jyldy quraıtyn áýletke KINES sertıfıkaty berildi. 

Eńbek kúni aıasynda «Habar» telearnasynda tikeleı efırde uıymdastyrylǵan 4 saǵattyq telemarafon Qazaqstan rekordtary jaıly aqparattyq-entsıklopedııalyq anyqtamalyqqa rekord tirkeýmen bastaldy.

Oǵan búkil eńbek ótili 616 jyldy quraıtyn Tuqybaevtar áýleti endi.

Temirjolshylar otbasynyń 27 múshesi ómirin temirjolmen baılanystyrypty.

«Atalarymyz 1930-jyldary Túrksib temirjoly qurylysyna qatysqan. Sodan beri bizdiń áýlet temir jolda jumys istep keledi. Bizge temirjol tarsylynsyz ómirdi elestetý qıyn», - deıdi áýlettiń muraǵatyn muqııat jınastyryp, qujattardy hattap júrgen Quralaı Malıkrııan.

«KINES» rekordtar kitabyna erekshe, biregeı adamdar kiredi.

Foto: vıdeodan alynǵan skrın

 

«Jáne onda rekord tirkelý úshin mindetti túrde qujattarmen deleldengen bolýy kerek», - degen KINES resmı ókili Qýandyq Qudaıbergenov aqparattyq-entsıklopedııalyq anyqtamalyqqa tirkelý sharttaryn atap ótti.

Tuqybaevtar áýletiniń jıyntyq eńbek ótili 616 jyldan da kóp bolýy múmkin. Alaıda resmı qujattarmen dáleldengeni — osy.