«Eńbek sińirgen geolog» nagradasyna memlekettik mártebe berilmek

<p>ASTANA. KAZINFORM &ndash; &laquo;Eńbek sińirgen geolog&raquo; vedomstvolyq nagradasyna memlekettik mártebe berilmek. Bul týraly Úkimet otyrysynda Ónerkásip jáne qurylys mınıstri Qanat Sharlapaev aıtty.&nbsp;</p>

- Geolog mamandyǵyn dáripteý boıynsha jumystar belsendi atqarylyp jatyr. «Eńbek sińirgen geolog» vedomstvolyq nagradasyn memlekettik nagrada mártebesine kóterý josparlanǵan. Búgingi kúni zańnamalyq túzetýler pysyqtalýda, - dedi mınıstr.

Qanat Sharlapaevtyń dereginshe, geologııa mamandyǵy boıynsha túlekter sanynyń ósýi baıqalady. 2022 jyly tek 1 224 túlek bitirse, 2024 jyly úsh myńnan astam maman bitirdi.

- Bul rette, Sátbaev ýnıversıtetiniń derekteri boıynsha-, túlekterdiń 98 paıyzy mamandyq boıynsha jumysqa ornalasqanyn atap ótken jón. Sonymen birge, oqýshylardy geologııa salasyna baýlý maqsatynda «Jas geolog» qoǵamdyq qory qurylǵan. Bul qor uıymdastyratyn «Jas geolog» olımpıadasyna jyl saıyn 5 el oqýshylary qatysady. Jumys nátıjeleriniń biri retinde Qazaqstandyq oqýshylardyń halyqaralyq geologtar olımpıadasynda júldeli oryndar ıelendi. Osylaısha, saladaǵy adam kapıtalyn damytý boıynsha júıeli jumystar júrgizilip jatyr, - dedi ol.