Enbek platformasyna 44 tegin kýrs qosyldy
«Ár kýrstyń uzaqtyǵy 36 saǵattan asady. Onlaın oqytý belgili bir kásiptik salada belgili bir daǵdylardy nemese qosymsha quzyretterdi alýǵa múmkindik beredi»,- delingen habarlamada.
Osylaısha, qurylys jáne óndiris salasynda «Jylý jelileriniń jabdyqtaryna, qubyrlary men armatýralaryna qyzmet kórsetý jáne jóndeý», «Sýmen jabdyqtaý jáne sý burý jelileri men qurylystaryn paıdalaný», «Avarııalyq-qalpyna keltirý jumystarynyń slesary», «Dánekerleý óndirisiniń negizderi», «Tokarlyq óńdeý negizderi» sııaqty kýrstar qosyldy.
«Jeke qyzmetter men tamaqtaný boıynsha qosymsha kýrstar paıda boldy: «Tigýdi basynan bastap úırenińiz!», «Qyzmet kórsetý salasyndaǵy ákimshi», «Shashtaraz óneri», «Aspaz», «Naýbaıhana negizderi», «Kondıterlik sheberhana». «Múgedektigi bar adamdarǵa kútim jasaıtyn qyzmetker» kýrsy bar», - dep habarlady vedomstvonyń baspasóz qyzmeti.
Sondaı-aq, «Tıimdi kommýnıkatsııalar jáne komandalyq jumys», «Synı oılaý negizderi», «Ýaqytty basqarý jáne basymdyq berý», «Dızaın oılaý», «Bıznes-protsesterdi basqarý», «Bıznestegi kommýnıkatsııa mádenıeti», «Agile prıntsıpi boıynsha jobalardy basqarý», «Marketıngtik taldaý (konsaltıng)», «Microsoft Office-pen jumys» jáne «Ekologııalyq oılaý daǵdylaryn qalyptastyrý» sııaqty ár mamandyq úshin birdeı mańyzdy «ıkemdi» daǵdylarǵa baǵyttalǵan kýrstar bar.
Málim bolǵandaı, kýrstan ótkenin rastaıtyn sertıfıkat Enbek.kz jumysqa ornalastyrý portalynda alynǵan barlyq daǵdylardy kórsete otyryp, túıindemede avtomatty túrde kórsetiledi.
Kýrstarda Google Play jáne App Store-dan júktep alýǵa bolatyn Enbek mobıldi qosymshasynda qol jetimdi.
Esterińizge sala keteıik, Soyle.kz memlekettik tildi oqytý portalyn qurǵan Memlekettik til qory taǵy bir seriktes. Qazir Skills Enbek platformasynda «Kak vyýchıt kazahskıı ıazyk s nýlıa» promo-kýrsy qoljetimdi.
Atalǵan platformada ártúrli baǵyttar boıynsha barlyǵy 477 kýrs ornalastyrylǵan, onyń ishinde 243-i tegin. Tirkelgen paıdalanýshylar sany 380 myń adamǵa jetken.