Eńbek naryǵynda tárbıeshiler men júk tıeýshilerge suranys joǵary

NUR-SULTAN. QazAqparat - Elektrondyq eńbek bırjasynda qandaı mamandarǵa jıi suranys bolatyndyǵy aıtyldy. Bul týraly QazAqparat «Eńbek resýrstaryn damytý ortalyǵyna» silteme jasap habarlaıdy.

Ortalyqtyń habarlaýynsha, tamyz aıynda tárbıeshiler men olardyń kómekshilerine degen suranys usynystan 2 ese asyp tústi – 1,8 myń túıindemege qaraǵanda 3,9 myń bos oryn. Ekinshi orynda JOO men kolledj oqytýshylary. Olar úshin 2 myń túıindememen 3,5 myń bos jumys orny jarııalandy. Dárigerler úshin 1,1 myń túıindememen 2,2 myń bos jumys orny jarııalandy.

Al biliktiligi joq eńbek qyzmetkerleriniń arasynda EPT-ǵa eń úlken suranysqa júk tıeýshiler (265 túıindemege qarsy 2,2 myń bos jumys orny) jáne qurylys salasyndaǵy jumysshylar (332 túıindemege qarsy 2,1 myń bos jumys orny) ıe boldy.

Bul rette mamandar boıynsha eń úlken profıtsıt qarjygerler (10 bos orynǵa 324 túıindeme), zańgerler (304 bos orynǵa 1242 túıindeme), avtomehanıkter (65 bos orynǵa 354 túıindeme), bıotehnologtar (12 bos orynǵa 256 túıindeme), feldsherler (268 bos orynǵa 681 túıindeme) jáne mal ósirýshiler (95 bos orynǵa 464 túıindeme) arasynda bos jumys oryndary baıqaldy.