Eńbek mınıstrligi jas qyzmetkerler úshin synaq merzimin alyp tastaýdy usyndy

NUR-SULTAN. QazAqparat – QR Eńbek jáne halyqty áleýmettik qorǵaý mınıstrligi jastardy qoldaý úshin Eńbek kodeksine zańnamalyq túzetýler engizýdi usyndy, dep habarlaıdy QazAqparat.

«Eńbek kodeksine «jas qyzmetker« uǵymyn qosý úshin zańnamalyq túzetýler engizý bastamasy kóteriledi. Sondaı-aq, jas maman úsh aıdan keıin jumystan shyǵarylýy yqtımal bolatyn synaq merzimin alyp tastaǵymyz keledi. Biz bul normalardy qarastyryp, usynǵymyz keledi, eger ol qabyldansa, jastardyń jumysqa ornalasýyna oń áser etedi dep oılaımyn», - dedi QR Eńbek jáne halyqty áleýmettik qorǵaý vıtse-mınıstri Erjan Birjanov Ortalyq kommýnıkatsııalar qyzmetinde ótken baspasóz konferentsııasynda.

Vıtse-mınıstrdiń aıtýynsha, eger jas qyzmetker talaptarǵa tolyq sáıkes kelmese, jumys berýshi onyń biliktiligin qosymsha arttyrýy tıis.

Sondaı-aq, spıker mınıstrliktiń Eńbek kodeksine basqa óńirlerden kelgen jastar úshin turǵyn úı jaldaýǵa kóterme járdemaqy engizýdi usynatynyn aıtty.

«Bul jańashyldyqtar bıyl bastama retinde kóteriledi jáne qoldaý tabady dep oılaımyn», - dep túıindedi ol.

Bul sharalar halyqtyń tabysyn 2025 jylǵa deıin arttyrý baǵdarlamasy aıasynda da usynylady.