Eńbek mınıstrligi eskertedi: 50 myń teńge syıaqy alamyn dep aldanyp qalmańyz
15:24, 17 Qańtar 2022
NUR-SULTAN. QazAqparat - Halyqqa onlaın saýalnama júrgizip, keıinnen 50 myń teńge mólsherinde syıaqy tóleıtini týraly messendjerler men áleýmettik jelilerde taratylyp jatqan aqparat shyndyqqa janaspaıdy. Bul týraly QazAqparat QR Eńbek jáne halyqty áleýmettik qorǵaý mınıstrligine silteme jasap habarlaıdy.
Azamattarǵa alaıaqtar mundaı habarlamalardy jeke akkaýnttar men banktik shottarǵa qol jetkizý úshin qoldanýy múmkin ekenin eskertemiz. Eshqashan kúmándi siltemelerge ótpeńiz jáne alaıaqtyqtyń qurbany bolmas úshin jeke málimetterińizdi qaldyrmańyz.
Azamattardan jalǵan aqparatqa nazar aýdarmaýdy jáne aqparatty tek resmı kózderden ǵana alýdy suraımyz.
Jalǵan aqparatty taratý zań boıynsha jazalanatynyn eske salamyz.