Eńbek mınıstri S.Ábdenov Memlekettik annýıtetti kompanııanyń jańa basshysyn tanystyrdy
Bul týraly kompanııanyń baspasóz qyzmetinen málim etti.
Biryńǵaı aktsıoner - Qazaqstan Respýblıkasy Eńbek jáne halyqty áleýmettik qorǵaý mınıstrliginiń sheshimimen «Memlekettik annýıtettik kompanııa» ómirdi saqtandyrý kompanııasy» aktsıonerlik qoǵamynyń (MAK) Basqarma tóraǵasy bolyp Aıdar Kópishev taǵaıyndaldy. Ol bul qyzmette Nurjan Álimuhambetovti almastyrdy.
Álimuhambetov Nurjan Erjanuly «MAK» ÓSK» AQ Basqarma tóraǵasynyń laýazymnan óz erkimen ketti. Eńbek mınıstri N.Álmuhambetovke atqarǵan jumysy úshin alǵysyn bildirdi.
Qarjylyq jáne áleýmettik salada úlken tájirıbesi bar Nurjan Álimuhambetovtyń basshylyǵymen Memlekettik annýıtettik kompanııa edáýir tabystarǵa jetti.
2010 jyldan bastap «MAK» ÓSK» AQ-nyń taza aktıvteri 4 esege ósti, bul rette aktıvterdiń ortasha jyldyq ósimi 66% qurady. MAK barlyq saqtandyrý kompanııalary arasynda aktıvterdi kapıtaldandyrý boıynsha 9-shy oryndy alyp otyr. Memlekettik annýıtettik kompanııanyń aktıvteri ómirdi saqtandyrý kompanııalarynyń jıyntyq aktıvteriniń 20 % quraıdy.
Atalǵan kezeńde «MAK» ÓSK» AQ saqtandyrý ónimderin jetildirý, shartty jasasý merzimin jáne saqtandyrý tólemder merzimin qysqartý, klıentke baǵdarlanǵan prıntsıpterde bıznes-protsessti uıymdastyrý (dırekt-satýlar) boıynsha klıentterge jaǵdaı týǵyzýda birneshe qadamdar jasady.
Nurjan Álimuhambetov óz qyzmetin «MAK» ÓSK» AQ Dırektorlar keńesiniń múshesi retinde jalǵastyrady jáne óz jumysyn kompanııany damytýdyń ádistemelik aspektileri men saqtandyrý salasyna baǵyttaıtyn bolady.
«MAK» ÓSK» AQ-nyń belsendi zańshyǵarmashylyq jumysy «Qazaqstan Respýblıkasynda zeınetaqymen qamtamasyz etý týraly» QR Zańynda kórinis tapty. MAK usynǵan zeınetaqyny saqtandyrý (zeınetaqy annýıtetteri) sharttaryn jaqsartý bóliginde ózgerister eskerildi. Qyzmetkerlerdi jazataıym oqıǵadan mindetti saqtandyrýdy jetildirý máselesin qamtıtyn («Qazaqstan Respýblıkasynyń keıbir zańnamalyq aktilerine saqtandyrý jáne ıslamdyq qarjylandyrý máseleleri boıynsha ózgerister men tolyqtyrýlar engizý týraly») zań jobasy qazirgi ýaqytta Qazaqstan Respýblıkasy Parlamenti Májilisiniń qaraýynda.
Aıdar Amantaıuly Kópishev jańa laýazymǵa taǵaıyndalǵanǵa deıin, 1999 jyldan bastap 2005 jylǵa deıin Qazaqstan Respýblıkasy Ulttyq Bankiniń Zań departamentiniń bas keńesshi zańger bolyp jumys istedi. 2005 jyldan bastap 2007 jylǵa deıin Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttiginiń Zań departamentiniń bas keńesshi zańger qyzmetin atqardy. 2007 jyldan bastap 2011 jylǵa deıin «Alliance - Ómirdi saqtandyrý» saqtandyrý kompanııasy» AQ Zań departamentiniń dırektory jáne Basqarma múshesi boldy. 2011 jyldyń 18 qarasashynan bastap 2012 jyldyń qańtaryna deıin «Alliance - Ómirdi saqtandyrý» saqtandyrý kompanııasy» AQ Basqarma Tóraǵasynyń mindetin atqarýshy jáne Basqarma múshesi boldy. 2011 jyldyń 24 qazanynan bastap 2011 jyldyń 18 qarashasyna deıin «Alliance - Ómirdi saqtandyrý» saqtandyrý kompanııasy» AQ Basqarma Tóraǵasynyń orynbasary laýazymynda qyzmet etti.
Aıta keteıik, «MAK» ÓSK» AQ 2004 jyly Qazaqstan Respýblıkasynyń Úkimeti qaýlysymen Qazaqstan Respýblıkasynyń saqtandyrý naryǵyn damytý baǵdarlamasyn jáne Respýblıkadaǵy áleýmettik reformalaryn odan ári tereńdetý baǵdarlamalaryn tabysty júzege asyrý maqsatynda quryldy. Aktsııa paketterin tolyqtaı basqarý Qazaqstan Respýblıkasy Eńbek jáne halyqty áleýmettik qorǵaý mınıstrligine tapsyryldy. Qazaqstannyń 29 qalasynda MAK-nyń keńseleri jáne saqtandyrý agentterdiń keń jelisi bar.