Eńbek mınıstri iri kásiporyndardy tekserýdiń nátıjesin jarııalady

NUR-SULTAN. QazAqparat – Іri kásiporyndardy tekserý kezinde eńbek jáne kóshi-qon zańnamasyn buzýdyń myńnan astam faktisi anyqtaldy. Bul týraly Eńbek jáne halyqty áleýmettik qorǵaý mınıstri Birjan Nurymbetov málim etti, dep habarlaıdy QazAqparat tilshisi.

«Byltyr biraz shetel jumys kúshin tartatyn kompanııalardyń tarapynan zań buzýshylyqtar bolǵan. Ásirese, qazaqstandyq jáne sheteldik mamandardyń turmystyq jaǵdaıy, jalaqy jaǵynan aıyrmashylyǵy baıqaldy. Sondyqtan byltyr Prezıdenttiń tapsyrmasy boıynsha, Bas prokýratýra bastap, jergilikti atqarýshy organdardyń eńbek ınspektsııasy birlesip elimizde 95 iri kásiporyndy tekseristen ótkizdi. ıAǵnı, 30-dan astam sheteldik jumys kúshin tartqandar qamtyldy», - dedi mınıstr Parlament Senatynda shetelden jumys kúshin tartý taqyrybyna arnalǵan keńeste.

B. Nurymbetovtyń aıtýynsha, osy oraıda eńbek jáne kóshi-qon zańnamasyn buzýdyń 1 008 faktisi anyqtaldy. 95 kásiporynnyń 27-sinde jalaqy tóleýdegi 479 sáıkessizdik belgili boldy. Buǵan qatysty zańnamada qarastyrylǵan sharalar iske asyryldy.

Osy oraıda, ol 98 mln teńgeden astam somaǵa 397 ákimshilik is (63 eskertý, 334 aıyppul) qozǵalǵanyn atap ótti. Jumys isteýge arnalǵan 703 ruqsat keri qaıtaryldy, 507 sheteldik jumysker elden shyǵaryldy.