Eńbek mıgranttary kóbine elimizdiń qaı óńirlerine tartylǵan

<p>ASTANA. KAZINFORM &ndash; 2024 jyly kommertsııalyq sektorda shetel jumys kúshin tartýǵa 11 myńǵa jýyq ruqsat berildi. Bul týraly QR Eńbek jáne halyqty áleýmettik qorǵaý mınıstrligi Kóshi-qon komıteti tóraǵasynyń orynbasary Erbolat Abýlhatın aıtty.</p>

«Bıyl sheteldik jumys kúshin tartýǵa kvota 21 myń deńgeıinde belgilendi, ıaǵnı byltyrmen salystyrǵanda 0,9% kem. 2024 jyly kommertsııalyq sektorda sheteldik jumys kúshin tartýǵa 11 myńǵa jýyq ruqsat berildi. Sheteldik jumys kúshiniń basym bóligi Qytaı jáne Ózbekistan elderiniń azamaty, al ekonomıkalyq sektorǵa keletin bolsaq olar qurylys jáne ónerkásip sharýasyna tartylǵan» , - dedi E. Abýlhatın Ortalyq kommýnıkatsııalar qyzmetindegi baspasóz máslıhatynda.

Sonymen qatar, bıyl 281 myń ruqsat eńbek mıgranttaryna jeke adamdardyń úıinde jumys isteýi úshin berildi. «Atalaǵan mıgranttardyń kópshiligi Almaty oblysy men Almaty qalasynda, Mańǵystaý, Atyraý, Túrkistan oblystarynda jumys istep júr», - dedi vedomstvo ókili.

Budan buryn habarlanǵandaı, Qazaqstanǵa joǵary bilimi bar adamdardyń kóship kelý kórsetkishi ósti.