Eńbek kúnine oraı jastar arasynda 200-den astam is-shara ótkizildi
23:52, 29 Qyrkúıek 2024
<p>ASTANA. KAZINFORM - Eńbek kúni aıasynda Qazaqstanda 200-den astam is-shara ótti, dep habarlaıdy QR Mádenıet jáne aqparat mınıstrliginiń baspasóz qyzmeti. </p>
Atap aıtqanda jastardyń qatysýymen dóńgelek ústelder, bos jumys oryndary jármeńkeleri, ekologııalyq is-sharalar, kásiptik baǵdar berý kezdesýleri, «Adal azamat – adal eńbek» dıalog alańdary sııaqty sharalar uıymdastyrylǵan.
Ásirese, eńbek adamdaryn keńinen nasıhattaýǵa basa nazar aýdaryldy. Osy maqsatta Abaı aýdanynda «Eńbekshi jastar – 2024» jáne Qaraǵandy oblysynda «Sheberdiń qoly altyn» atty festıvalder ótti.
Sondaı-aq, birqatar óńirlerde «Jasyl el» jasaqtarynyń sarbazdary jumys maýsymyn saltanatty túrde qorytyndylady.
Eńbek kúnine arnalǵan is-sharalarǵa barlyǵy 2 myńnan astam jas tartyldy.