Eńbek ınspektsııasyna kóp shaǵymdar túsip jatyr - Almaty
17:33, 07 Sáýir 2020
ALMATY. QazAqparat – Almatyda birqatar jumys berýshi jumysshylaryn májbúrli demalysqa jibergen. Bul týraly onlaın brıfıngte qalalyq Áleýmettik ál-aýqat basqarmasynyń basshysy Rahat Shımasheva aıtty, dep habarlaıdy QazAqparat tilshisi.
Onyń aıtýynsha, jumysynan aırylǵan qala turǵyndarynan shaǵymdar óte kóp túsip jatyr.
«Eńbek ınspektsııasyna kóp shaǵymdar túsip jatyr. Jalaqysy saqtalmaıtyn demalysqa ketken 200 adamnan aryz tústi. Bul shaǵymdar boıynsha tekserýdi TJ rejımi aıaqtalǵan soń bastaımyz. Ázirge barlyq jospardan tys tekserýler, qoǵamdyq qabyldaý júrgizýge tyıym salynǵan. Eger adamdar osyndaı quqyqbuzýshylyqpen betpe bet kelse, olar bizge jazbasha ótinish bere alady. Biz shekteý aıaqtalǵan soń aınalysatyn bolamyz», - dedi Rahat Shımasheva.
Buǵan deıin biz 42500 teńgeni alýǵa 67 000 turǵyn ótinish bergenin jazǵan bolatynbyz.