Eńbek Eri halyqty saılaýǵa belsene qatysýǵa shaqyrdy

JARKENT. QazAqparat - Alǵashqylardyń biri bolyp daýys bergen Sotsıalısttik Eńbek Eri Kúlásh Aıtjanova eldi búgingi saılaýǵa belsene qatysýǵa shaqyrdy, dep habarlaıdy QazAqparat tilshisi.

Áıgili júgerishi, Sotsıalısttik Eńbek Eri, Jetisý oblysynyń jáne Panfılov aýdanynyń «Qurmetti azamaty» Kúlásh Aıtjanova Qazaqstan Respýblıkasy prezıdentin saılaýǵa Jarkent qalasyndaǵy №735 saılaý ýchaskesinde daýys berdi. Seksen jastyń seńgirinen asqan qart ana óz tańdaýyn jasaǵanyn aıtyp, ózgelerdi de osynaý saıası naýqannan shet qalmaýǵa úndedi.

«Men egemen elimizdiń kemel keleshegi úshin daýys berdim dep esepteımin. Óıtkeni, búgingi saılaý Qazaqstannyń jarqyn bolashaǵyn qalyptastyrýdyń qaınar kózi, batyl bastamasy bolyp tabylady. Memleketimizdiń damýy, halqymyzdyń ál-aýqatynyń artýy, jastarymyzdyń jarqyn bolashaǵy el basshysynyń kóregendiligi men sarabdal saıasatkerligine tyǵyz baılanysty. Sondyqtan da saılaýǵa qatysyp, tańdaý jasap, daýys berdim», - deıdi Eńbek Eri Kúlásh anamyz.

Avtor Nurádil BEGІMBET