Eńbek bırjasynda jumys usynýshylar bir aıda 27% tómendedi

ASTANA. QazAqparat – Elektrondy eńbek bırjasy ótken jyly jeltoqsan aıynda eń joǵary jalaqy mólsherin jarııalady, dep habarlaıdy QazAqparat Eńbek mınıstrligne silteme jasap.

Eńbek bırjasynyń málimetterine qaraǵanda, jeltoqsan aıynda eń kóp jalaqyny bas dırektorlar (2,8 mln teńge), taýar jınaqtaýshylar (2,4 mln teńge), tereze montaj jasaýshylarǵa (1,8 mln teńge) taǵaıyndaldy. Al jumys berýshiler tarapynan joǵary jalaqy ónerkásip salasyndaǵy tseh bastyqtaryna (~832 myń teńge), bas tehnologtarǵa (~700 myń teńge), tehnıkalyq sala basshylaryna (~650 myń teńge) jáne ónerkásiptik alpınısterge (~650 myń teńge) usynyldy.

Jalpy 2022 jyldyń jeltoqsanynda eńbek bırjasynda 106,1 myń bos jumys orny jáne 36,6 myń túıindeme ornalastyryldy. Aldyńǵy aımen salystyrǵanda suranys 16%-ǵa ósip, al usynys 27%-ǵa tómendedi.