«Eńbek» baǵdarlamasy: Elordada 200-den astam adam qaıta oqytyldy

NUR-SULTAN. QazAqparat - Bıyl Nur-Sultanda «Eńbek» baǵdarlamasy boıynsha 220 adam kásiptik oqytýǵa jáne qaıta daıarlaýǵa jiberildi. Olar arnaıy uıymdastyrylǵan kýrstarda jańa bilim aldy, dep habarlaıdy QazAqparat tilshisi.

Qala ákimdiginen málim etkendeı, qysqa merzimdi kásiptik oqytýǵa mamandyǵy joq, eńbek naryǵynda suranysy tómen nemese biliktiligin joǵaltqan jáne mamandyǵyn aýystyrǵysy keletin azamattar qatysa alady.

Kásiptik oqytý uzaqtyǵy 2020 jyly úsh aıǵa deıin jalǵasady. Baǵdarlamaǵa qatysýshylar 5556 teńge kóleminde qarjylyq qoldaý jáne 21 787 teńge shákirtaqy alady.

Kásiptik bilim berý kýrstary eńbek naryǵynda suranysqa ıe mamandyqtar boıynsha uıymdastyrylady. Al kadrlarǵa degen qajettilik jumys berýshilerdiń ótinimderimen anyqtalady. Bıyl segiz mamandyq suranysqa ıe: aspaz, kondıter, tiginshi, pishýshi, shashtaraz, kassır-baqylaýshy, naýbaıshy, tárbıeshiniń kómekshisi.
«Qysqa merzimdi kásiptik kýrstarǵa qatysyp, tegin oqý úshin azamattar turǵylyqty jeri boıynsha Halyqty jumyspen qamtý ortalyǵynda jumyssyz retinde tirkelýi tıis. Jeke kýálik, oqý ornyn bitirgeni týraly qujat (orta bilim týraly attestat nemese joǵary bilim týraly dıplom) qajet. Elordalyqtar Beıbitshilik, 25 úı, «Órken» ІO ornalasqan «Nur-Sultan qalasy ákimdiginiń halyqty jumyspen qamtý ortalyǵyna» júginýi kerek«, - dep atap ótti Jumyspen qamtý ortalyǵynda.
Mamandardyń aıtýynsha, bıylǵy jyly kásiptik qaıta oqytý kýrstaryna ótinimder qabyldaý aıaqtalǵan. Suraqtar boıynsha myna nómirlerge habarlasýǵa bolady: 7(7172) 95 44 18; 95 44 16, 8 777 116 82 73.