«Eńbek» baǵdarlamasy aıasynda 21 myń atyraýlyq jumyspen qamtyldy
«Turǵyndarymyzdy jumyspen qamtý bizdiń basty maqsatymyz. Jyl basynan beri «Eńbek» memlekettik baǵdarlamasy aıasynda 21 461 adam jumyspen qamtyldy. Onyń ishinde 1 706 adam jumysshy mamandyqtar boıynsha qysqa merzimdi oqýǵa jiberildi. 342 adam bıznes jobalaryn ashýǵa 1 mlrd 858 mln teńge kóleminde nesıe aldy. 664 adamǵa qaıtarymsyz memlekettik granttar berildi. Osylaısha barlyǵy 17 476 adam jumyspen qamtyldy. Olardyń 10 myńy - turaqty jumys orny», - dedi óńir basshysy Ortalyq kommýnıkatsııalar qyzmetindegi baspasóz máslıhatynda.
Mahambet Dosmuhambetovtiń dereginshe, «Jumyspen qamtý» jol kartasynyń júzege asyrylýynyń arqasynda oblysta 7 168 jumys orny ashyldy.
«Baǵdarlama aıasynda 64 jobany júzege asyrýǵa 33,7 mlrd teńge bólindi. Qazirgi kezde olardyń 12-si aıaqtaldy», - dedi Atyraý oblysynyń ákimi.