«Eńbek» baǵdarlamasy: 1070 atyraýlyq 2,6 mlrd teńge grant pen nesıe alǵan

ATYRAÝ. QazAqparat –Atyraý oblysynda byltyrǵy 11 aıda «Eńbek» baǵdarlamasymen kásipkerlikti damytý úshin 1070 adam jalpy kólemi 2,6 mlrd teńgege grant pen nesıe alǵan, dep habarlaıdy QazAqparat.

Óńirlik kommýnıkatsııalar qyzmetiniń málimetinshe, «Eńbek» baǵdarlamasymen 24 965 adam qamtylǵan.

«Atalǵan baǵdarlama aıasynda 12 881 adam turaqty jumysqa ornalasty. Al, 7 927 adam qoǵamdyq, áleýmettik jumys oryndary men jastar praktıkasyna tartyldy. Sondaı-aq, baǵdarlamanyń birinshi baǵytymen qysqa merzimdi oqýǵa 1 814 adam jiberildi. Tehnıkalyq jáne kásiptik baǵyttaǵy kolledjderde 466 adam oqýyn jalǵastyrýda» -dep habarlady óńirlik kommýnıkatsııalar qyzmeti.

Eske sala ketelik, budan buryn Atyraý oblysynda kásipkerlerdi qoldaýǵa 4,9 mlrd teńge bólingenin habarlaǵan edik.