«Eńbek-Aqtóbe» fılıaly dırektorynyń mindetin atqarýshy para aldy degen kúdikke ilikti
11:06, 14 Qańtar 2020
NUR-SULTAN. QazAqparat – «Eńbek» respýblıkalyq memlekettik kásiporny «Eńbek-Aqtóbe» fılıaly dırektorynyń mindetin atqarýshy sybaılas jemqorlyq jasaý kúdigine ilikti, dep habarlaıdy QazAqparat tilshisi.
Sybaılas jemqorlyqqa qarsy qyzmet málimetinshe, qazirgi ýaqytta kúdiktiniń ústinen sotqa deıingi tergeý júrgizilip jatyr. Ol Muǵaljar aýdanynyń Qandyaǵash qalasyndaǵy saıabaqty abattandyrýǵa bıýdjet qarajatyn aýdarý kezinde jalpy qamqorlyǵy úshin jeke kásipkerdiń ókilinen 700 myń teńge somasynda qarajat alý múmkin.
«Kúdiktiniń kinásin moıyndaýyna jáne qorǵaýshysymen birge keletindigine kepil berýine berýine baılanysty protsessýaldyq ustaý sharasy qoldanylǵan joq. Sotqa deıingi tergeý jalǵasýda. Kúdikti kinásiniń deńgeıi týraly túpkilikti sheshimdi sot shyǵarady», - dep atap ótedi vedomstvodan.