Eń jas qazaqstandyq sazger Denıs Tenge arnap kompozıtsııa jazdy

ALMATY. QazAqparat - Eń jas qazaqstandyq kompozıtor Denıst Tenge arnap «Aqqan juldyz» kompozıtsııasyn jazdy, dep habarlaıdy QazAqparat tilshisi.

12 jastaǵy jas talant Nuráli Beıseqojaev qazir Ahmet Jubanov atyndaǵy mýzykalyq mektepte 7-synypqa kóshti. Sazger bala skrıpka klasynda oqyp jatyr. 

Nuráliniń aǵasy Nurlan Beıseqojaevtyń aıtýynsha, ol 4 jasynan bastap fortepıanoda oınaı bastaǵan.

«Nota eshteńe bilmese de, kórgen mýltfılmderiniń áýenderin salyp ózi oınaı beretin. Keıin 6 jasynan bastap mýzyka jaza bastady. 6 jasynda Ahmet Jubanov atyndaǵy mýzykalyq mektepke skrıpka klasy boıynsha oqýǵa tústi. Qazir 20 astam shyǵarmasy bar», - dedi aǵasy Nurlan Beıseqojaev.

Ol birqatar respýblıkalyq baıqaýlardyń, Astana ótken MusicStar baıqaýynyń laýreaty.

Nuráli Denıstiń ólimi ózin qatty tolqytqanyn jetkizdi.

«Denıs Ten Qazaqstannyń atyn álemge shyǵarǵan tulǵa. Onyń qazasyn estigende qatty tolqydym. Oıymda júrgen áýendi sonyń qazasyna arnaǵym keldi», - dedi jas avtor.

Aıta keterligi, Nuráliniń otbasynda barlyǵy derlik kásibı mýzykanttar.

«Men ózim mýzykant emespin. Biraq mýzykadan  habarym bar. Úlken aǵamyz Nursát Beıseqojaev Túrkistan oblysy fılarmonııasynyń dırektory, kompozıtor kúıshi. Menen keıingi inim Ǵalamat ta Ahmet Jubanov atyndaǵy mýzykalyq mektepte dombyra klasynda oqıdy. Onyń da birneshe kúıi bar. Eń kishi inim Nuráliniń joly basqasha. Ol - pıanınoshy-skrıpashy. Klassıkalyq mýzyka jolymen ketti», - dedi aǵasy.

Onyń aıtýynsha, bolashaqta atalǵan kompozıtsııaǵa montaj jasap, beınebaıan túsirý josparda bar.