Eń tómengi kúnkóris deńgeıi qarashada 26 108 teńge boldy

ASTANA. QazAqparat - Qazaqstanda 2018 jyldyń qarasha aıynda jan basyna shaqqandaǵy eń tómengi kúnkóris deńgeıi 26 108 teńgeni qurady. Bul ótken aıdaǵydan 8,8% az (qazan aıynda - 28 620 teńge), dep habarlaıdy QazAqparat tilshisi QR Ulttyq ekonomıka mınıstrliginiń Statıstıka komıtetine silteme jasap.

Negizgi azyq-túlik ónimderiniń eń az normalary boıynsha eseptelgen, eń tómengi kúnkóris deńgeıiniń jan basyna shaqqandaǵy ortasha mólsheri bıylǵy qarasha aıynda 2017 jyldyń jeltoqsanymen salystyrǵanda 2%, byltyrǵy qarashamen salystyrǵanda 12% artqan.

Ótken aıda eń tómengi kúnkóris deńgeıiniń qurylymynda: et pen balyqqa shyǵyndardyń - 20,6%, sút, maı ónimderi jáne jumyrtqaǵa - 16,3%, kókónister men jemisterge - 8,2%, nan ónimderi men jarma ónimderine - 7,6%, qant, shaı jáne dámdeýishterge - 2,3% jumsalǵan.