Eń tómengi aılyq ósse, salyq ta óse me
Úkimet úıinde ótken brıfıngide Áset Erǵalıevke BAQ ókilderi osyndaı suraq qoıǵan bolatyn.
«Ózderińiz bilesizder, Memleket basshysy eń tómengi eńbekaqyny salyq jáne áleýmettik tólemderdi esepteý kórsetkishi retinde qoldanýdan ketýdi tapsyrǵan bolatyn. Biz bilemiz, búginde Salyq kodeksinde eń tómengi aılyq tek jeke tabys salyǵy men áleýmettik salyqtardyń eń tómengi kólemin eseptep shyǵarý standartyna ǵana baılanǵan. Ulttyq ekonomıka mınıstrligi osy baǵytta jumys júrgizip jatyr. Jyl sońyna deıin bul jumysty aıaqtaımyz», - dedi vedomstvo basshysy.
Eske salsaq, atalmysh brıfıngide QR Qarjy mınıstri Erulan Jamaýbaev mobıldi aqsha aýdarymdary qalaı zańdastyrylatynyn túsindirdi.
«Bul jerde aıta ketetin negizgi bir másele – halyq tarapynan alańdaý bolmaýy kerek. Sebebi azamattardyń qoldanyp júrgen karta shottary saqtalady. Olardyń kúndelikti ózara bir-birine aýdaryp júrgen aqshalaryna eshqandaı nuqsan kelmeıdi. ıAǵnı, búkil protsess sol kúıinde saqtalady. Aldynda da aıtqanymyzdaı, mobıldi aýdarymdardy fıskaldy etý úshin ǵana zańǵa birtindep ózgerister engizemiz. QR Ulttyq banki jınaqtap otyrǵan málimet boıynsha, 8 aıda mobıldik aýdarymdar arqyly jáne ınternet jelisi arqyly júrgizilgen aýdarymdar men tólemderdiń jalpy kólemi 36 trln teńgeniń mańaıynda qalyptasyp otyr. Bul óte qomaqty soma», - dedi Erulan Jamaýbaev.