Eń belsendi kásipkerler Astana men Almatyda turady

<p>ASTANA. KAZINFORM — 2024 jylǵy 1 shildedegi jaǵdaı boıynsha Qazaqstanda 2 028,7 myń belsendi shaǵyn jáne orta kásipkerlik sýbektisi (ShOK) tirkelgen. Bul ótken jyldyń sáıkes kezeńine qaraǵanda 0,7% artyq, dep habarlaıdy Ulttyq statıstıka bıýrosy.</p>

 

ShOK salasynda jumyspen qamtylǵandar sany 4 267 myń adam bolsa, 2024 jyldyń alty aıynda ShOK sýbektileriniń ónim shyǵarylymy 34 266,8 mlrd teńgege jetti.

ShOK sýbektileriniń eń kóp sany jumys istep turǵan sýbektilerdiń jalpy sanynyń 69%-yn quraıtyn dara kásipkerlerge tıesili. Shaǵyn kásipkerlik sýbektileriniń zańdy tulǵalary 17,7%, sharýa jáne fermer qojalyqtary 13,1% quraıdy. Orta kásipkerlik sýbektileriniń zańdy tulǵalary jumys istep turǵan sýbektilerdiń jalpy sanynyń 0,1% ǵana quraıdy.

Jumysshylar sany boıynsha da dara kásipkerlik alda, onda 1,8 mln adam jumyspen qamtylǵan, 1,6 mln adam shaǵyn kásipkerlik sýbektileriniń zańdy tulǵalarynda eńbektenedi.

Belsendi ShOK sýbektileriniń eń kóp úlesi Almaty (353,8 myń birlik), Astana (234,4 myń birlik) qalalarynda jáne Túrkistan oblysynda (207,9 myń birlik). Jumys istep turǵan sýbektilerdiń eń az sany Ulytaý oblysynda (18,3 myń birlik) tirkeldi.

ShOK sýbektileri kóterme jáne bólshek saýda salasynda kóp (723,1 myń birlik), sondaı-aq olardyń sany aýyl, orman jáne balyq sharýashylyǵy (299,5 myń birlik) jáne basqa da qyzmetterdi kórsetý (298,4 myń birlik) salalarynda kóp.

2024 jyldyń qańtar-maýsym aılarynda respýblıkada JІÓ-degi ShOK úlesi 38,2% qurady (onyń ishinde 31% shaǵyn kásiporyndar) jáne ótken jyldyń sáıkes kezeńimen salystyrǵanda 1,8 paıyzdyq tarmaqqa ósti.