Eń bedeldi álemdik pán olımpıadalarynyń jeńimpazdary 5 mln teńgeden aldy

<p>Jyl basynan beri 23 qazaqstandyq oqýshy álemdegi eń bedeldi jeti olımpıadada 2 altyn, 11 kúmis jáne 10 qola medal jeńip aldy. Olardyń qatarynda IMO, IphO, IChO, IBO, IGeO, IOI jáne IOL pándik olımpıadalary bar, dep habarlaıdy <a href="https://kaz.inform.kz/news/end-blm-grantin-utip-algan-sarbazdarga-stipendiya-tolened-efba3f/Kazinform" target="_blank" rel="noopener">Kazinform</a>.</p>

Oqý-aǵartý mınıstri Ǵanı Beısembaev olımpıada jeńimpazdarymen jáne júldegerlerimen, sondaı-aq olardy daıyndaǵan pedagogtermen kezdesti.

Fızıka páninen halyqaralyq olımpıadanyń (IPhO) kúmis júldegeri, Almaty qalasyndaǵy №165 mamandandyrylǵan lıtseı oqýshysy Marǵulan Nursaǵatov tálimgerlerine óz alǵysyn bildirdi.

«Fızıkanyń barlyq qyr-syryn úıretý úshin úlken kúsh-jigerlerin jumsaǵan muǵalimderime jáne meni qoldap kele jatqan ata-anama rahmet aıtamyn. Sondaı-aq, elimizdiń bolashaǵyna – bizderge senim artqany úshin Memleket basshysyna erekshe alǵys aıtqym keledi», – dedi Marǵulan Nursaǵatov.

Oqý-aǵartý mınıstri jeńimpazdardy jetistikterimen quttyqtap, halyqaralyq olımpıadalarda júldeger bolǵan qazaqstandyq oqýshylardy qoldaý sharalaryna toqtaldy.

«Birinshi kezekte sizderdi jeńisterińizben quttyqtasam deımin. Sizder elimizdiń kók týyn álemdik arenada joǵary kóterip, matematıka, fızıka, hımııa, bıologııa, geografııa, ınformatıka sııaqty irgeli ǵylymdar boıynsha laıyqty nátıjelerge qol jetkizdińizder. Bul ustazdardyń da orasan zor eńbegi, jetistigi dep bilemin. Memleket daryndy oqýshylarǵa jan-jaqty qoldaý kórsetýde. Ótken jyldan bastap halyqaralyq olımpıadalardyń jeńimpazdary men júldegerlerine, sondaı-aq olardy daıyndaǵan pedagogterge birjolǵy syıaqy tólenýde. Bıyl álemdegi eń bedeldi 7 olımpıadada júldeger atanǵan 23 oqýshyǵa 65,5 mln teńge, al 20 pedagogke 6 mln teńgege jýyq aqshalaı syıaqy berildi. Bul sharalar, eń aldymen, olımpıadashylardyń bedelin arttyrýǵa jáne otandyq ǵylymnyń bolashaq juldyzdaryn qalyptastyrýǵa baǵyttalǵan», - dep atap ótti Ǵanı Beısembaev.

Aıta keteıik, altyn medal úshin - 1500 AEK, kúmis medal úshin - 1000 AEK, qola medal úshin - 500 AEK mólsherinde aqshalaı syıaqy qarastyrylǵan. Altyn medal ıegerin daıyndaǵan pedagogke syıaqy - bazalyq laýazymdyq jalaqynyń 26,5 eselengen mólsherinde, kúmis úshin - bazalyq laýazymdyq jalaqynyń 17,5 eselengen mólsherinde, qola úshin - bazalyq laýazymdyq jalaqynyń 8,5 eselengen mólsherinde tólenedi.