Eń basty qundylyq – adamnyń ómiri - Zarema Sháýkenova
«Búgin Memleket Basshysy Qasym-Jomart Toqaev eldegi epıdemıologııalyq ahýaldyń problemalyq máseleleri boıynsha keńes ótkizdi. Prezıdent tapsyrmalarynyń arqasynda sońǵy eki aptada jaǵdaı turaqtandy, al indetke qarsy is-qımyl sharalary tıisti deńgeıge shyǵyp keledi. Alaıda, arqany keńge salýǵa áli de erte. Sondyqtan shilde aıynda engizilgen shekteý sharalarynyń oń áserin odan ári nyǵaıtý maqsatynda jáne shekaralas elderde koronovırýs ınfektsııasymen baılanysty jaǵdaıdyń asqyný yqtımaldylyǵyn eskere otyryp, Prezıdent Memlekettik komıssııaǵa karantındik sharalardy eki aptaǵa uzartýdy, keıinnen kezeń-kezeńimen jeńildetýdi tapsyrdy», - deıdi sarapshy.
Onyń aıtýynsha, koronavırýs ári uzaq ýaqyt bizben birge bolady. Tıisinshe, memleketke de, azamattardyń ózine de túsetin jaýapkershilik artady. Munda jaǵdaıdy turaqtandyrý úshin keshendi sharalar qajet.
«Memleket kórsetken durys jáne ashyq aqparattyq saıasat, ýaqytyly jáne jan-jaqty áleýmettik-medıtsınalyq qoldaý bizdiń – Qazaqstan azamattarynyń jaǵdaıdyń jaqsarýyna degen senimin nyǵaıtady. Provızorlyq jáne ınfektsııalyq statsıonarlar bóliginiń jabylýy týraly habarlandy jáne basqalarynda oryn sany qysqarýda. ıAǵnı, jaǵdaı turaqtanyp keledi. Bul – vırýspen kúresýdegi jetistikterimizdi kórsetetin mańyzdy jańalyq. Alaıda, biz áli de aqparattyq alańǵa táýeldimiz, sondyqtan kelip túsken aqparat pen jańalyqtardy súzgiden ótkizip, durys baǵalaýdy úırený mańyzdy. Bul ózińizdi jáne jaqyndaryńyzdy jalǵan jańalyqtardyń jaǵymsyz áserinen qorǵaýǵa múmkindik beredi. Sondyqtan Úkimet otyrysynda osy kúrdeli kezeńde aqparattyq-túsindirý jumystaryn kúsheıtý qajettigi aıtyldy», - deıdi Z. Sháýkenova.
Sonymen birge, azamattardyń ózara qoldaýy da erekshe mańyzdy. Turǵyndar Internet, mobıldi jáne onlaın baılanys arqyly bir-birine qoldaý kórsete alady.
«Múldem beıtanys adamnan da qoldaý kelýi múmkin. Barlyǵymyz azamattardyń bireýdiń qaıǵysyna beı-jaı qaramastan qanshalyqty tez jumylatynyna kýá boldyq. Áleýmettik jeliler arqyly olar birneshe saǵat ishinde materıaldyq, medıtsınalyq jáne dári-dármekterdi izdeýge kómektesti.
Qazir kóptegen adamdar indetpen kúresti soǵyspen salystyrady jáne bul belgili bir dárejede shyndyqqa jaqyn. COVID-19 kórinbeıtin jaý retinde, bir memleketke ǵana qaýip tóndirip qoımaı, tutas álemdi qursaýǵa aldy. Búkil álem koronavırýs indetiniń ekinshi tolqyny bolatynyn aıtyp otyr. Jaqynda ǵana birneshe memleket, onyń ishinde Qazaqstan qatań karantındik sharalardy jeńildete bastaǵan edi. Keıin qandaı da bir elderdiń basqalarǵa qaraǵanda tabysty kúresip jatyr dep aıtýǵa áli erte ekeni baıqaldy. Óıtkeni tájirıbesi bastapqyda durys bolyp kóringen memleketter de qazirgi ýaqytta sanıtarlyq-karantındik talaptardy kúsheıtýge májbúr», - dedi QSZI basshysy.
Prezıdent karantındi uzarta otyryp, koronavırýstyq ınfektsııa juqtyrý men ólim-jitim kórsetkishterin odan ári tómendetýdiń aıryqsha mańyzdylyǵyn atap ótti.
«Uzaqqa sozylǵan karantındik sharalar árıne, qoǵamǵa, adamdarǵa jáne olardyń kózqarastaryna áser etedi. Іndettiń kelýimen jáne onyń saldary men bastan keshken qaıǵyly tájirıbeni eskere otyryp, árqaısymyzda moraldyq, qundylyqty qaıta baǵalaý protsesi júrip jatyr. Eń basty qundylyq – adamnyń ómiri. Ol úshin karantındi uzartýdy qoldaý kerek jáne barlyq karantındik normalardy saqtaý qajet, bul – vırýstyq ınfektsııanyń jappaı taralýyn boldyrmaýdyń basty tásili. Sondyqtan árqaısymyzdyń ózimizge jáne jaqyndarymyzǵa jáne basqalardyń ómirine degen jeke jaýapkershiligimiz bolýy kerek jáne osy normalarmen ómir súrýdi úırenýimiz kerek. «Saqtanǵandy Qudaı saqtaıdy» degen sóz bar. Mańyzdy basymdyqtardyń biri – ulttyń densaýlyǵy bolýy kerek jáne árqaısymyz ony saqtaýǵa tyrysýymyz qajet», - dedi Zarema Sháýkenova.