Emshi elordadan asyrap alǵan úsh bala: Astana bóbektiń birin bermegen bolyp shyqty

<p>ASTANA. KAZINFORM &ndash; &laquo;Shymkent turǵyny qamqorlyǵyna alǵan 6 balanyń úsheýi Astanadan&raquo;. Qalalyq bilim basqarmasy osyndaı málimet bergen bolatyn. Alaıda, olardyń astanalyq áriptesteri muny joqqa shyǵardy. Dálirek aıtqanda, eki bala týraly maǵlumatty ǵana rastady.</p>

Shymkent qalalyq Bilim basqarmasynyń bizdiń redaktsııaǵa bergen anyqtamasynda emshi qamqorlyqqa alǵan 6 balanyń úsheýi Astanadan dep kórsetilgen. Ekeýi – 2021 jyldyń 26 mamyrynda týǵan egiz, úshinshisi – 2021 jyldyń 17 mamyrynda týǵan qyz bala. Bizdegi málimet boıynsha, ol 2021 jyldyń 7 shildesinde Astana qalalyq bilim basqarmasy basshysynyń №336 buıryǵymen qamqorshylyqqa berilgen. Emshi men onyń jubaıy eki jyldan keıin, naqty aıtqanda 2023 jyldyń 30 qazanynda sábıdi sot sheshimimen asyrap alǵan. Biraq, Astana qalalyq Bilim basqarmasy basshysynyń orynbasary Serik Ádilbaev mundaı buıryqtyń shyǵarylmaǵanyn aıtady.

«2021 jyly 17 mamyrda týǵan qyzǵa qorǵanshylyq belgileý týraly 2021 jylǵy 07 shildede №336 buıryq shyǵarylǵan joq. Demek, Astana qalasynyń Bilim basqarmasy bul balany qorǵanshylyqqa bermegen», - dedi ol agenttik tilshisiniń saýalyna jaýap bere otyryp.

Buǵan deıin habarlaǵanymyzdaı, Shymkent turǵyny qamqorlyǵyna alǵan 6 balanyń arasynda egiz de bar. Ul men qyz 2021 jyldyń 26 mamyrda elordada dúnıege kelgen. Emshi olardy úsh aılyq kezderinde baýyryna basqan. Qamqorlyqqa berilgen egiz sábıdiń taǵdyryna qatysty istiń mán-jaıyn Astana qalalyq Bilim basqarmasynan surap bilgen bolatynbyz. 

Eske salsaq, Shymkenttik emshi asyrap alǵan 6 balasyn qorlap, azaptady degen kúdikpen qamaýda otyrǵany týraly habarlaǵan edik. Ol asyrap alǵan balalaryna ıt pen mysyqtyń etin jegizdi degen derek shyqty.

Osy oqıǵaǵa baılanysty bilim salasynyń birqatar qyzmetkeri jazalandy. Sonymen qatar qalalyq densaýlyq saqtaý basqarmasyndaǵylar balalardyń qazirgi jaǵdaıy týraly aıtyp berdi.

Sondaı-aq balalardyń eldiń birneshe qalasynan asyrap alynǵany belgili boldy.

Balalardyń biriniń ájesi Óskemende turady. Kazinform tilshisi 65 jastaǵy Natalıa Ýstınovamen jolyǵyp, jıen nemeresiniń asyraýǵa qalaı berilgenin surap kórdi.

Al Shymkenttegi balalar úıiniń basshysy emshiden qorlyq kórgen oqýshy týraly aıtyp berdi.

Birer kún buryn osy balalarǵa qamqorlyq emes, qorlyq kórsetti dep aıyptalyp jatqan emshiniń isin qaraıtyn sýdıa belgili boldy.