Emomalı Rahmon Elbasynyń tezirek saýyǵyp ketýin tiledi
15:23, 20 Maýsym 2020
NUR-SULTAN. QazAqparat – Elbasy Nursultan Nazarbaevtyń atyna Tájikstan Respýblıkasynyń Prezıdenti Emomalı Rahmonnan jedelhat kelip tústi. Bul týraly QazAqparat elbasy.kz saıtyna silteme jasap habarlaıdy.
Emomalı Rahmon Elbasynyń koronavırýs juqtyrǵany týraly habardy alańdaýshylyqpen qabyldady.
«Sizge baýyrlastyq qoldaýymdy bildirgim keledi.
Shyn júrekten tezirek tolyq saýyǵyp ketýińizdi jáne uzaq ǵumyr, baq-bereke tileımin.
Sizge degen zor qurmetim men ystyq yqylasymdy qabyl alyńyz», - delingen jedelhatta.
Aıta keteıik, Elbasynyń baspasóz hatshysy Aıdos Úkibaı Qazaqstannyń Tuńǵysh Prezıdenti – Elbasy Nursultan Nazarbaevtyń Covid-19-ǵa tapsyrǵan synamasy oń nátıje kórsetkenin habarlaǵan edi.