Emmanýel Makron Frantsııadaǵy túrme fýrgonyna jasalǵan shabýyl kópshilikti kúızeltkenin aıtty

<p>ASTANA. KAZINFORM &ndash; Seısenbi kúni Frantsııanyń soltústiginde tutqyn mingen túrme fýrgonyna shabýyl jasaldy. Shabýyl jasaǵandar kóliktegi frantsýz túrme qyzmetiniń eki qyzmetkerin atyp, taǵy úsheýin aýyr jaraqattap, tutqynǵa belgisiz baǵytta qashyp ketýge kómektesken, dep habarlaıdy <a href="https://www.bbc.com/russian/articles/c3gvvyyj0z4o" target="_blank" rel="noopener">BBC.&nbsp;</a></p>

Frantsýz bıliginiń ókilderi qazir qashqyndy izin sýytpaı izdep jatqanyn málimdedi: izdeý jumystaryna polıtsııanyń júzdegen qyzmetkeri men jandarmdar jumyldyrylǵan.

Prokýratýra qashqynnyń aty-jóni men jasyn anyqtady.  Buryn kisi tonaǵany úshin sottalǵan 20 jastaǵy Mohamed Amr. Ol sondaı-aq adam ólimine ákep soqtyrǵan adam urlyǵy úshin aıyptalǵan.

Figaro gazetiniń naqtylaýynsha, Amr qylmystyq álemde «La Mýsh» (Shybyn) laqap atymen tanymal jáne ol kisi óltirýge oqtalýdan bólek basqa qylmystyq baptar – esirtki qylmystary úshin birneshe ret sottalǵan. 

Frantsýz baspasóziniń shamalaýynsha, qashqynnyń esirtki saýýýdasymen aınalysatyn toptarmen baılanysy bar.

Frantsııa prezıdenti Emmanýel Makron tasjolda bolǵan oqıǵa «barlyǵyn kúızeliske ushyratqanyn» aıtyp, bul qylmysty uıymdastyrýshylardy tabý úshin qoldan kelgenniń barlyǵy jasalyp jatqanyna sendirdi. 

Eldegi BFMTV basylymynyń habarlaýynsha, Amr túrmeden seısenbi kúni tańerteń Rýan sotynda ótetin tyńdaýǵa qatysý úshin tasymaldanǵan.

Sot otyrysy aıaqtalǵan soń tutqyn mingen kólik Evre qalasyndaǵy túrmege jol tartqan.  

Alaıda jergilikti ýaqyt boıynsha shamamen saǵat 11.00-de A154 aqyly avtojolyndaǵy baqylaý-ótkizý pýnktinde kólikke shabýyl jasaldy. 

France Press agenttiginiń habarlaýynsha, shabýyldaýshylar túrme kolonnasyna eki kólikpen jetip, oǵan oq jaýdyrǵan.