«Emirates» áýe kompanııasy Qazaqstanǵa reıs ashý máselesin qarastyryp jatyr

<p>&laquo;Emirates&raquo; áýe kompanııasy Qazaqstanǵa reıs ashý máselesin qarastyryp jatyr, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

QR KM Azamattyq avıatsııa komıtetiniń tóraǵasy Talǵat Lastaev Iran jáne Ortalyq Azııa boıynsha óńirlik menedjer Muhammed Sálim Álhammadı bastaǵan «Emirates» áýe kompanııasynyń ókilderimen kezdesý ótkizdi. Kezdesý barysynda áýe kompanııa Qazaqstanǵa reısterdi 2024 jyly ashýdy josparlap otyrǵany habarlandy. Reısterdi ashý merzimi «Boıng-787» jáne «Eırbas-A350» áýe kemelerin jetkizýmen baılanysty.

Sonymen qatar Qazaqstan Respýblıkasynyń jáne Birikken Arab Ámirlikteriniń avıatsııalyq bılik oryndary arasyndaǵy ýaǵdalastyqtarǵa sáıkes elder arasynda «ashyq aspan» rejımi qoldanylady. Oǵan sáıkes elder arasynda áýe kompanııalar, baǵyttar, reısterdi oryndaý jıiligi jáne áýe kemeleriniń syıymdylyǵy bóliginde reısterdi oryndaýǵa shekteý joq.

Kezdesý qorytyndysy boıynsha taraptar «Emirates» áýe kompanııasynyń Qazaqstanǵa reıs ashý maqsatynda yntymaqtastyqty jalǵastyrýǵa kelisti.

Aıta keteıik, «Emirates» – jolaýshylar tasymaly kólemi boıynsha álemdik áýe kompanııalar arasynda kóshbasshylardyń biri. Ótken jyly áýe kompanııa 43 mıllıonnan astam jolaýshyny tasymaldady.