Eljan Birtanov: Vaktsınadan bas tartýdyń negizgi sebebi dinge qatysty emes

ASTANA. QazAqparat - Vaktsınadan bas tartý máselesine zertteý júrgizildi. Bul týraly búgin azamattyq sektordyń ókilderimen kezdesýde QR Densaýlyq saqtaý mınıstri Eljan Birtanov málim etti, dep habarlaıdy QazAqparat tilshisi.

Vaktsınalaý sharalaryna toqtalǵan mınıstr, «Immýndaýǵa jatqyzylǵandardyń arasynda kem degende 95 paıyzdyq ındıkatorǵa qol jetkizýdiń josparly kórsetkishteri bizde oryndalyp keledi. Árıne, bizdi ekpeden bas tartý oqıǵalary alańdatyp otyr. Bul turǵyda úkimettik emes uıymdarmen ózara is-qımyldar óte mańyzdy», - dedi.

Osy oraıda E. Birtanov el turǵydarynyń keıbirinde áli de vaktsınaǵa degen úreı bar ekenin atap ótti.

«Biz bul máselege qatysty zertteý júrgizdik. Osy oraıda vaktsınadan bas tartýdyń negizgi sebebi dinı nanymǵa emes, ekpe sapasyna qatysty úreıge baılanysty bolyp otyr. Atap aıtqanda, adamdar ekpe saldarynan qorqady. Bul turǵyda bir-birimizben kóbirek aqparat almasyp, júıeli jumystardy iske asyrý qajet bolyp tur. Sonymen qatar halyqty aqparattandyrý boıynsha tıisti jospar ázirlendi», - dedi vedomsttvo basshysy.

Onyń sózine qaraǵanda, bul problema Qazaqstanda ǵana emes, sonymen birge ózge de elderde baıqalýda.

«Adamdardyń vaktsınalaýdan bas tartýy nátıjesinde oryn alyp otyrǵan keri saldardy kórip otyrmyz. Jalpy, óziniń densaýlyǵy úshin jaýapkershiliktiń jetkiliksizdiginen, ınfektsııalardyń shetten kelýi jıilep ketti», - dedi Eljan Birtanov.