Eljan Birtanov aqtaýlyq dárigerge qoldaý kórsetti

NUR-SULTAN. QazAqparat - QR Densaýlyq saqtaý mınıstri Eljan Birtanov Facebook-tegi paraqshasynda áleýmetti jeli arqyly patsıentterge barynsha sypaıy bolýdy ótingen aqtaýlyq dárigerdi qoldap jazba qaldyrdy, dep habarlaıdy QazAqparat tilshisi.

Atalǵan dárigerdiń medıtsına qyzmetkerleriniń aýyr jumysyna túsinistikpen qaraýdy ótingen jazbasy Instagram-daǵy qalalyq pablıkterdiń birinde jarııalanǵan edi.

«Qymbatty áriptes, sizdiń jazbańyzdy oqyp, qıyn bolǵanymen adamdar úshin óte qajetti jumysta kásibińizge degen adaldyǵyńyz úshin rızashylyq bildirgim keledi. Ózimde bilemin, keıbir patsıentterdiń sózderi men áreketi óte aýyr ári kóńilge qaıaý túsiretindigi bar. Degenmen, sizdiń qatigezdik pen ashý tanytpastan medıtsınadaǵy jumysyńyzdy jalǵastyratyndyǵyńyzǵa senimdimin. Óıtkeni, siz óz mamandyǵyńyzǵa jan-tánińizben berilgensiz. Demek, siz bizdiń medıtsınada barlyq ýaqytta qajetsinetin, barlyq ýaqytta adamdarǵa qajet mamansyz. Sizge shydamdylyq, eń bastysy myqty densaýlyq tileımin. Ózińizdi, áriptesterińizdi saqtańyz. Siz adamdarǵa qajetsiz», - dep jazdy Densaýlyq saqtaý mınıstri.