Elıanur Turǵanova bokstan álem chempıonatynda el qorjynyna tórtinshi altyndy saldy

<p>ASTANA. KAZINFORM - Qazaqstandyq boksshy Elıanur Turǵanova jastar arasyndaǵy 2024 jylǵy álem chempıony atandy.&nbsp;</p>

Chernogorııanyń Býdva qalasynda ótip jatqan dúbirli dodada 50 kelide synǵa túsken Elıanur beıtarap sportshy retinde qatysqan Karla Pıkti qapy qaldyrdy. Ol jekpe-jek barysynda jınaqy qımyl kórsetti. Qarsylasyna kóbirek soqqy jasady. Ekinshi raýndta qarsylasyn eki márte nokdaýnǵa jiberdi. Jekpe-jek qorytyndysynda tóreshiler biraýyzdan Elıanýrdiń jeńisine qoldaý bildirdi.

E. Turǵanova álem chempıonatynda aldymen túrkııalyq qarsylasyn birinshi raýndta san soqtyrsa, odan keıin Ózbekstan (5:0), Grekııa (5:0) boksshylaryn jeńdi.

Aıta ketsek, el quramasynan buǵan deıin Sanjaráli Begalıev (75 keli), Arýjan Zeınollaeva (81 keli), Tórehan Sabyrhan (67 keli) chempıondyq tuǵyrǵa kóterildi.