Eltańbany dalaǵa tastaı salǵan Jetisý oblysynyń soty aıyppul tóledi

TALDYQORǴAN. QazAqparat - Jetisý oblysynyń soty Eltańbany aýlasyna tastaǵany úshin ákimshilik jaýapkershilikke tartyldy. Bul vıdeo jelige jarııalanyp, polıtsııa birden shara qoldandy, dep habarlaıdy QazAqparat tilshisi.

Jelige jarııalanǵan vıdeoda Eltańba maketi Jetisý oblystyq sotynyń ǵımaraty aýmaǵynda jerde jatqanyn anyq kórýge bolady.

«Jetisý oblystyq polıtsııa Taldyqorǵan qalasyndaǵy oblystyq sot ǵımaratynyń janynan tastalǵan kúıinde tabylǵan Eltańbanyń maketi beınelengen vıdeony zerttedi. Jaýapty tulǵalardyń áreketi ákimshilik zańnamada kózdelgen quqyq buzýshylyq dep tanylǵanyn habarlaımyz. Atalǵan fakti boıynsha QR ÁQBtK-niń 418-babynyń 1-1-bóligine sáıkes oblystyq sot ákimshiliginiń Infraqurylymdy damytý bóliminiń basshysy jaýapkershilikke tartyldy»,- delingen Jetisý oblystyq polıtsııa departamenti baspasóz qyzmetiniń habarlamasynda.