Eltańba ózgergen jaǵdaıda, teńge ózgere me - Ulttyq bank jaýap berdi

<p>ASTANA. KAZINFORM &mdash; Ulttyq bank Qazaqstannyń memlekettik eltańbasyn ózgertý týraly sheshim qabyldanǵan jaǵdaıda banknottar ózgerýi múmkin be degen suraqqa jaýap berdi.</p>

«Banknottar men monetalardaǵy memlekettik rámizderdi aýystyrý máselesi túpkilikti sheshim qabyldanǵannan keıin jáne Qazaqstan Respýblıkasynyń tıisti zańnamalyq aktilerine qajetti ózgerister men tolyqtyrýlar engizilgennen keıin qaralýy múmkin», - delingen Ulttyq banktiń Kazinform agenttiginiń saýalyna bergen jaýabynda.

Vedomstvo bul jerde «Qazaqstan Respýblıkasynyń memlekettik rámizderi týraly» zań sóz etilip otyrǵanyn aıtty.

Esterińizge sala keteıik, Qazaqstan Respýblıkasynyń Prezıdenti Qasym-Jomart Toqaev Atyraýda ótken Ulttyq quryltaıdyń úshinshi otyrysynda memlekettik eltańbany ózgertý týraly usynys aıtqan bolatyn.

«Jalpy halyqtyq kelisim bolsa, barlyq aspektilerdi jan-jaqty qarastyryp, qoǵamdyq talqylaý júrgizetin arnaıy komıssııa quryp, Qazaqstannyń jańa memlekettik Eltańbasynyń eń úzdik eskızine ashyq konkýrs jarııalaýǵa bolady», - dedi Memleket basshysy.